Tollywood : టాలీవుడ్ విలన్ షాయాజీ షిండేకు ఏమైంది.. ఎవరూ తొక్కేశారు

Tollywood : తెలుగులో ఎంతోమంది పరభాషా నటులు విలన్లుగా యాక్ట్ చేసి మంచి పేరు సంపాదించుకున్నారు. అలాంటి వారిలో షాయాజీ షిండే ఒకరు. తెలుగు ఫిల్మ్ ఇండస్ట్రీలో విలన్లు గా చేసిన వారికి మంచి క్రేజ్ ఉంది. వారిని తెలుగు ప్రేక్షకులు అంతా ఈజీగా మరిచిపోరు. ఆశిష్ విద్యార్థి, సోనూ సూద్, ప్రదీప్ రావత్, షాయాజీ షిండే ఇలా చెప్పుకుంటూ పోతే ఎంతో మంది విలన్లను తెలుగు ఫిల్మ్ ఇండస్ట్రీ ఆదుకుంది.

ఇక్కడి డైరెక్టర్లు కూడా వారిని ఎలా ఉపయోగించుకోవాలో అంతలా ఉపయోగించుకున్నారు. అయితే షాయాజీ షిండే చాలా సినిమాల్లో విలన్ గా నటించారు. కాగా ప్రస్తుతం ఎక్కువగా ఆయన తెలుగు సినిమాల్లో కనిపించడం లేదు. ఈ మధ్య ఆయనకు తెలుగులో చాలా వరకు ఆఫర్లు తగ్గిపోయాయి. టాలీవుడ్ లో షాయాజీ షిండేకు విలన్ క్యారెక్టర్లు రాకుండా అడ్డుకుంటున్నది ఎవరని తరిచి చూస్తే ఒక పెద్ద విషయం బయటకొచ్చింది.

గతంలో హీరోలుగా చేసిన వారు ప్రస్తుతం విలన్ క్యారెక్టర్లు చేస్తూ బిజీగా గడుపుతున్నారు. ప్రస్తుతం ఒకప్పటి హీరో జగపతి బాబు ప్రస్తుతం విలన్ క్యారెక్టర్లు చేయడంలో ఫుల్ బిజీగా మారిపోయారు. తెలుగులోనే కాకుండా తమిళ్, మలయాళం, బాలీవుడ్ లోనూ నేరుగా విలన్ గా యాక్ట్ చేస్తున్నారు. తెలుగులో ఒకప్పటి కమెడియన్ సునీల్ ఆ తర్వాత హీరోగా మారి ప్రస్తుతం పుష్ఫ సినిమా ద్వారా పరిపూర్ణ విలన్ గా మారిపోయారు.

స్టార్ హీరో రానా దగ్గుబాటి, మలయాళ హీరో పాహద్ పాజిల్, తమిళ హీరో ఆర్య ఇలా చెప్పుకుంటూ పోతే చాంతడంతా లిస్టు తయారైంది. దీంతో గతంలో విలన్ క్యారెక్టర్లు చేసే వారికి ఇప్పుడు రావడం లేదు. ప్రస్తుతం హీరోలే విలన్లుగా చేస్తుండటంతో వారికి చాన్స్ లు రావడం లేదని అర్థమవుతోంది. మొత్తం మీద తెలుగు ఫిల్మ్ ఇండస్ట్రీలో విలన్ క్యారెక్టర్లకు కొత్త వారితో పాటు హీరో లు కూడా ఆ పాత్రలు చేస్తుండటంతో షాయాజీ షిండే లాంటి గొప్ప నటుడికి అవకాశాలు తగ్గిపోయాయని అర్థం అవుతోంది.