TDP Internal Survey
TDP Internal Survey : ఆంధ్రప్రదేశ్ అసెంబ్లీ ఎన్నికల పోలింగ్ సోమవారం, కొన్ని నియోజకవర్గంలో మంగళవారం తెల్లవారు జామున ముగిసింది. జగన్ ప్రభుత్వానికి రోజులు దగ్గరపడ్డాయని, రాష్ట్రంలో చంద్రబాబు మళ్లీ అధికారంలోకి రావడం ఖాయమని టీడీపీ నేతలు ఆశా భావంతో ఉన్నారు. అయితే రాష్ట్ర వ్యాప్తంగా పార్టీ ఇంటెలిజెన్స్ నిర్వహించిన అంతర్గత సర్వేలు సమరోలా వివరిస్తున్నాయి. వరుసగా రెండోసారి వైసీపీ అధికారంలోకి వచ్చే అవకాశాలను కొట్టిపారేయలేదని పార్టీ సన్నిహిత వర్గాలు చెబుతున్నాయి.
తమ పార్టీ అనుబంధాన్ని బహిర్గతం చేయకుండా ఎగ్జిట్ పోల్ సర్వేలు నిర్వహించే బాధ్యతను టీడీపీ నాయకత్వం వివిధ పార్టీ విభాగాలకు అప్పగించినట్లు తెలుస్తోంది. పోలింగ్ ముగిసిన వెంటనే ఈ బృందాలు వివిధ నియోజకవర్గాల్లో పర్యటించి ఓటర్ల మనోభావాలను తెలుసుకున్నారు.
ఈ ఎన్నికల్లో టీడీపీ-జనసేన పార్టీ-బీజేపీ కూటమి 100-105 సీట్లు గెలుచుకుంటుందని చాలా సర్వేలు చెబుతున్నాయి. కూటమికి 115 నుంచి 120 సీట్లు వస్తాయని ఒక్క సర్వే మాత్రమే చెప్పిందని టీడీపీ వర్గాలు తెలిపాయి. అయితే వైసీపీకి 95-97 సీట్లు వస్తాయని కొన్ని టీడీపీ వర్గాల నుంచి వార్తలు వచ్చాయి. మహిళలు, దిగువ మధ్య తరగతి వర్గాలు ఎక్కువగా వైసీపీ వైపే మొగ్గు చూపుతున్నట్లు తెలుస్తోంది. టీడీపీ కంటే వారి పోల్ మేనేజ్ మెంట్ కూడా బాగుందని టాక్ వచ్చింది. అయితే పట్టణ ప్రాంతాల్లోని యువత, ఎగువ మధ్య తరగతి నుంచి టీడీపీకి సైలెంట్ మద్దతు లభిస్తోందని చంద్రబాబు ఆశాభావం వ్యక్తం చేస్తున్నారు.
3 నుంచి 5 శాతం ఉన్నా టీడీపీ అధికారంలోకి రావడం ఖాయమని ఏది ఏమైనా ఇవన్నీ ఊహాగానాలేనని, జూన్ 1వ తేదీ సాయంత్రానికి మీడియా సంస్థలు ఎగ్జిట్ పోల్స్ విడుదల చేసే నాటికి కొంత స్పష్టత వస్తుందని అంటున్నారు.