SS Rajamouli
SS Rajamouli : రాజమౌళి బాహుబలి ఫ్రాంఛైజీ సినిమాలకు పునాది వేసిన మాహిష్మతి రాజ్యంలో తెరకెక్కనున్న ‘బాహుబలి: క్రౌన్ ఆఫ్ బ్లడ్’ ప్రారంభోత్సవానికి దర్శకధీరుడు ఎస్ఎస్ రాజమౌళి హాజరయ్యారు. రాజమౌళితో పాటు నటుడు శరద్ కేల్కర్, గ్రాఫిక్ ఇండియా సీఈవో శరద్ దేవరాజన్, డిస్నీ+హాట్ స్టార్ కంటెంట్ హెడ్ గౌరవ్ బెనర్జీ, నిర్మాత శోభు యార్లగడ్డ పాల్గొన్నారు. ఈ సందర్భంగా చిత్రబృందం ఈ సిరీస్ కథాంశం గురించి మాట్లాడింది. ఇది తన బాహుబలి ఫ్రాంచైజీకి ప్రీక్వెల్ కాదని స్పష్టం చేసింది.
ఈ సందర్భంగా రాజమౌళి మీడియాతో మాట్లాడుతూ.. ‘కథలను ఎలా మలుపు తిప్పాలో.. ఎలా పొడిగించాలో మాకు తెలుసు. ఇది ఖచ్చితంగా ప్రీక్వెల్ కాదు. కథని రెండుగా విడగొట్టి, అవి కొనసాగే సన్నివేశాలను చొప్పించే అవకాశం దొరికిన సినిమా మధ్యలో ఇది జరుగుతుంది. మీకు తెలిసిన కథలో ఏం జరిగిందో మీకు నిరంతరం గుర్తుకొస్తుంది.
యానిమేషన్ సిరీస్ కోసం తాము మొత్తం కథను సృష్టించలేదని, బదులుగా ‘పొడిగించగల ప్రదేశాలను సృష్టించేందుకు ఎంచుకున్నామని చిత్ర నిర్మాత స్పష్టం చేశారు. ప్రీక్వెల్స్ గురించి, బాహుబలి తర్వాత ఏం జరుగుతుందో మాట్లాడుకున్నాం. మేము అన్ని సన్నివేశాల గురించి చర్చించాం అందులో ఉత్తమ మైనదాన్ని ఎంచుకున్నాం’ అని చిత్రనిర్మాత చెప్పారు.
గ్రాఫిక్ ఇండియా, ఆర్కా మీడియావర్క్స్ ప్రొడక్షన్స్, రాజమౌళి, శరద్ దేవరాజన్, శోభు యార్లగడ్డ సంయుక్తంగా నిర్మిస్తున్నారు. జీవన్ జె కాంగ్, నవీన్ జాన్ దర్శకత్వం వహించిన ఈ సిరీస్ మే 17వ తేదీ డిస్నీ + హాట్ స్టార్ లో ప్రసారం కానుంది.