Nandamuri Ram
Nandamuri Ram : నందమూరి వంశం నుంచి మరో కొత్త హీరో ఇండస్ట్రీకి రాబోతున్నాడు. నందమూరి హరికృష్ణ మనుమడు, జానకిరామ్‌ కొడుకు, తారక రామారావు హీరోగా వైవీఎస్ చౌదరి ఒక కొత్త సినిమాను తెరకెక్కిస్తున్న విషయం తెలిసిందే. ‘న్యూ టాలెంట్‌ రోర్స్‌’ బ్యానర్ పై వైవీఎస్ చౌదరి సతీమణి గీత ఈ చిత్రాన్ని తెరకెక్కిస్తున్నారు. వైవీఎస్ చౌదరి తాజాగా ప్రెస్‌ మీట్‌ ఏర్పాటు చేసి రాంను పరిచయం చేశారు. నందమూరి ఇంటి నుంచి వస్తున్న మరో హీరోకు సోషల్‌ మీడియాలో శుభాకాంక్షలు వెల్లువెత్తుతున్నాయి. తాజాగా జూనియర్‌ ఎన్టీఆర్ ఆల్‌ ది బెస్ట్ చెప్తూ పోస్ట్ చేశాడు.
‘రామ్ సినీ ప్రపంచంలోకి నీ మొదటి అడుగు వేస్తున్నాడు ఆయనకు అభినందనలు. సినిమా ప్రపంచం నిన్ను సాదరంగా ఆదరించడానికి ఎదురుచూస్తోంది. నువ్వు చేసే ప్రతి ప్రాజెక్ట్‌ విజయం వైపు అడుగులు వేయాలని కోరుకుంటున్నా. ముత్తాత ఎన్టీఆర్, తాత హరికృష్ణ, నాన్న జానకీ రామ్ ఆశీస్సులు, ప్రేమ నీకు ఎప్పుడూ ఉంటాయి. నువ్వు ఉన్నత శిఖరాలకు చేరుకుంటావని నాకు నమ్మకం ఉంది. నీ భవిష్యత్ దేదీప్యమానంగా ఉండాలి మై బాయ్‌’ అంటూ ఎన్టీఆర్ పోస్ట్ చేశారు.
ఆ తర్వాత మరో చిన్నాన్న కల్యాణ్ రామ్ ‘డియర్‌ రామ్.. నీకు శుభాకాంక్షలు. నీ తొలి సినిమాతోనే అందరూ గర్వపడేలా చేస్తావనే నమ్మకం నాకు ఉంది.’ అని చెప్పాడు.
‘ఇక వాగ్ధానం, ప్రతిజ్ఞ, ప్యాషన్‌.. సీనియర్‌ ఎన్టీఆర్ ఆశీస్సులు నందమూరి తారక రామారావు ఇండియన్‌ సినిమాలోకి పవర్‌ఫుల్‌ ఎంట్రీ ఇస్తున్నారు’ అని వైవీఎస్ చౌదరి పోస్ట్ చేశారు.
ఏది ఏమైనా నందమూరి వంశం నుంచి మొదట మోక్షజ్ఞ వస్తారనుకుంటే రాం రావడం నందమూరి ఫ్యాన్స్ ను కొంత ఆశ్చర్యానికి గురి చేసింది.