Bhartiyadudu-2 : భారతీయుడు -2 లో పాజిటివ్స్, నెగిటివ్స్ ఇవేనా.. 

Bhartiyadudu-2

Bhartiyadudu-2 : ప్రస్తుతం దేశంలో పాన్ ఇండియా మూవీల హవా కొనసాగుతుంది. అన్ని భాషల నుంచి పాన్ ఇండియా లెవల్లో మూవీలు తీస్తున్నారు. భారీ బడ్జెట్ తో నిర్మిస్తున్న సినిమాలు బాక్సాఫీసు వద్ద కూడా కలెక్షన్లు రాబట్టి నిర్మాతలకు కాసుల వర్షం కురిపిస్తున్నాయి. 2024 మొదటి భాగంలో కల్కి 2898 ఏడీ మూవీ సంచలన విజయం సాధించింది. మహాభారత, సైన్స్ ఫిక్చన్ తరహాలో తెరకెక్కిన కల్కి ప్రేక్షకుల మనసు దోచుకుంది. దీంతో భారీగా వసూళ్లు రాబట్టింది. జూన్ ఎండింగ్ లో రిలీజ్ అయిన ప్రభాస్ కల్కి మూవీ రికార్డులు బ్రేక్ చేస్తూ వసూళ్లతో దూసుకుపోతుంది. ఈ సినిమాను నాగ్ అశ్విన్ తెరకెక్కించిన విషయం తెలిసిందే.

ఈ సినిమా తర్వాత మరో సంచలన మూవీ భారతీయుడు 2 ప్రేక్షకులను అలరించబోతుంది. భారతీయుడు 2 మూవీలో హిరోగా కమల్ హాసన్ తన మార్కు చూపించబోతున్నారు. భారతీయుడు వన్ అనంతరం దాదాపు 25 ఏండ్ల తర్వాత 2 రావడంతో అది శంకర్ దర్శకత్వంలో కావడంతో భారీగా అంచనాలు పెరిగిపోయాయి.  దీన్ని స్టార్ మెగా డైరెక్టర్ శంకర్ తెరకెక్కించారు.

ఈ సినిమా ఆల్రెడీ యూఎస్ ప్రీమియర్స్ తో మొదలు కాగా పాజిటివ్స్ నెగిటివ్స్ టాక్స్ బయటకు వచ్చేశాయి.  పాజిటివ్ పాయింట్స్ సినిమాలో శంకర్ మార్క్ పుష్కలంగా కనిపించింది. పాటలు కూడా గ్రాండ్ విజువల్స్ తో దుమ్ము రేపాయంట. సెకండాఫ్ లో యాక్షన్ సీక్వెన్స్ లు సినిమాకే హైలైట్స్ గా నిలిచాయని చెబుతున్నారు.

సేనాపతిగా కమల్ హాసన్ పై ఇంకా సిద్ధార్థ్ పై కొన్ని సీన్స్ బాగా కనెక్ట్ అయ్యాయని తెలుస్తోంది.  క్లైమాక్స్ లో ట్విస్ట్ బాగున్నట్లు ప్రచారం జరుగుతోంది. ఇక నెగిటివ్స్ విషయానికి వస్తే ఫస్టాప్ లో పెద్దగా స్టోరీ ఏమీ లేదని అది కాస్త నెగిటివ్ అని చెప్పొచ్చని అంటున్నారు. కాకపోతే శంకర్ మార్క్ మాత్రం భారతీయుడు 2 మూవీకి తగ్గట్లు దించేశాడని అంటున్నారు.