What are the movies that came in OTT today..
OTT Movies : ఈ రోజు సినిమా వాళ్లకు ఏదైనా లక్కీ నంబర్ ఉందో ఏమో.. థియేటర్లలో అరడజను సినిమాలు, ఓటీటీల్లో మరో అరడజను సినిమాలు రిలీజ్ అయ్యాయి. టాలీవుడ్ నుంచి హాలీవుడ్ వరకు సూపర్ హిట్ సినిమాలు ఓటీటీలోకి వచ్చేశాయి. ఇవాళ ఓటీటీలో స్ట్రీమ్ అవుతున్న సినిమాలు ఏంటో తెలుసుకుని.. హాయిగా ఇంట్లోనే చూస్తూ ఎంజాయ్ చేయండి మరి..
గుంటూరు కారం..
మహేశ్ బాబు, త్రివిక్రమ్ కాంబోలో వచ్చిన ‘గుంటూరు కారం’ నెట్ ఫ్లిక్స్ లో స్ట్రీమ్ అవుతోంది. తెలుగుతో పాటు తమిళ, కన్నడ, మళయాళ, హిందీ భాషల్లో కూడా ఇది అందుబాటులో ఉంది.
కెప్టెన్ మిల్లర్..
తమిళ స్టార్ హీరో ధనుష్ హీరోగా వచ్చిన ఈమూవీ ప్రైమ్ వీడియోలో స్ట్రీమ్ అవుతోంది. ఇందులో కన్నడ స్టార్ హీరో శివరాజ్ కుమార్, తెలుగు యువ నటుడు సందీప్ కిషన్ ప్రధాన పాత్రల్లో నటించారు. దర్శకుడు అరుణ్ మాతేశ్వరన్. తెలుగు, తమిళ, కన్నడ, మలయాళ భాషల్లో స్ట్రీమ్ అవుతోంది.
బబుల్ గమ్..
యాంకర్ సుమ కనకాల తనయుడు రోషన్ కనకాల హీరోగా ఎంట్రీ ఇచ్చిన మూవీ ‘బబుల్ గమ్’. దర్శకుడు రవికాంత్ పేరెపు. ఈచిత్రం యూత్ ను బాగా ఆకట్టుకున్నా యావరేజ్ గా నిలిచింది. ఇది ‘ఆహా’లో అందుబాటులో ఉంది.
రెబల్స్ ఆఫ్ తుపాకుల గూడెం..
క్రైమ్ కామెడీ డ్రామాగా వచ్చిన ఈ మూవీ ఈటీవీ విన్ లో స్ట్రీమ్ అవుతోంది. జైదీప్ విష్ణు దర్శకుడు.
ది మార్వెల్స్..
మార్వెల్ హీరో యూనివర్స్ నుంచి ఈ మూవీ ఆడియన్స్ ముందుకొచ్చింది. తెలుగు, తమిళ, హిందీ భాషల్లో హాట్ స్టార్ లో అందుబాటులో ఉంది.
ది నన్ 2..
హాలీవుడ్ హారర్ మూవీ ‘ది నన్ 2’. బుల్లితెరపై ఇంటిల్లిపాదిని భయపెట్టేందుకు జియో సినిమాస్ లోకి వచ్చేసింది. తెలుగు, తమిళ, హిందీ భాషల్లో స్ట్రీమ్ అవుతోంది.
అయలాన్..
శివకార్తికేయన్, రకుల్ జంటగా ఏలియన్ స్టోరీతో ఈ సినిమా వచ్చింది. సైఫై కామెడీతో థియేటర్లలో అలరించిన ‘అయలాన్’ సన్ నెక్ట్స్ ఓటీటీలో స్ట్రీమ్ అవుతోంది. ఇది కేవలం తమిళంలోనే అందుబాటులో ఉంది.
ది ఎక్సర్సిస్ట్ బిలీవర్..
ఈ మూవీ జియో సినిమాస్ లో తెలుగు, తమిళ్ , హిందీ భాషల్లో స్ట్రీమ్ అవుతోంది. ఇది హారర్ మూవీ.