Snake
Snake : ఓ పాఠశాలలో పాము విద్యార్థులను పరుగులు పెట్టించింది. వారం రోజులుగా కురిసి వర్షాలకు తెలంగాణలోని కొమరం భీం జిల్లా కౌటారం మండలం కన్నెపల్లి ప్రభుత్వ పాఠశాలలో పాము కలకలం సృష్టించింది. ఉపాధ్యాయులు తెలిపిన ప్రకారం.. తరగతి గదిలోకి ఓ పాము జొరపడింది. పామును గమనించిన విద్యార్థులు బయటకు పరుగులు తీశారు. పాఠశాల చుట్టూ పంట పొలాలు, చెట్లు ఉండటంతో ఇటీవల కురిసిన వర్షాలకు పాములు తరగతి గదిలోకి వస్తున్నాయి. దీంతో బడి పిల్లలు బయటకు పరుగులు పెట్టాల్సివస్తోంది. పాఠశాల భవనం చుట్టూ కాంపౌండ్ వాల్ లేకపోవడంతో తరగతి గదిలోనికి పాము వచ్చిందని, ఇప్పటికైనా ప్రభుత్వం పాఠశాలకు ప్రహరీ గోడను నిర్మించాలని స్థానికులు కోరుతున్నారు.