Rajnath Singh
Rajnath Singh : ఉగ్రవాదులకు సరిగ్గా బదులిస్తామని కేంద్ర రక్షణశాఖ మంత్రి రాజ్ నాథ్ సింగ్ అన్నారు. జమ్మూకశ్మీర్ లో వరుస ఉగ్ర ఘటనలు చోటు చేసుకుంటున్నాయి. ఈ నేపథ్యంలో ఆయన స్పందించారు. జమ్మూకశ్మీర్ లో ఇలాంటి దాడులు దురదృష్టకరమన్నారు. ఉగ్రవాదులకు దీటైన బదులు ఇస్తామని హెచ్చరించారు. ఉత్తరప్రదేశ్ లోని కాన్పూర్ లో జరిగిన మీడియా సమావేశంలో రాజ్ నాథ్ సింగ్ ఈ వ్యాఖ్యలు చేశారు.
కాగా, శనివారం తెల్లవారు జామున బందిపోరా జిల్లాలో ఉగ్రవాదులు, భారత సైన్యానికి మధ్య ఎదురుకాల్పులు జరిగినట్లు అధికారులు వెల్లడించారు. అంతకుముందు, అఖ్నూర్ సెక్టార్ లో ఆర్మీ వాహనంపై ఉగ్రవాదులు కాల్పులు జరిపారు. ఇటీవల కాలంలో వరుసగా జరుగుతోన్న ఈ ఘటనలపై ఆందోళన వ్యక్తమవుతోంది. ఈ క్రమంలోనే అనంతనాగ్ జిల్లాలో ఇద్దరు ఉగ్రవాదులను సైన్యం మట్టుబెట్టింది.