Warner
Warner : ఆస్ట్రేలియా స్టార్‌ బ్యాట్స్ మన్ డేవిడ్ వార్నర్ కు భారత్‌ అంటే ఎనలేని ప్రేమ. ఈ విషయాన్ని చాలా సార్లు ఆయన బాహాటంగానే చెప్పారు. ఇక తెలుగు భాష అంటే కూడా మక్కువేనట. తెలుగు మూవీ సాంగ్స్ కు రీల్స్‌.. ట్రెండ్‌కు తగ్గట్టు హీరోలను అనుకరిస్తూ అతడు ఫన్నీ వీడియోలు చేస్తుంటాడు. వాటిని తన సోషల్ మీడియా ఖాతాలో అప్ లోడ్ చేయడంతో అవి అభిమానులను ఎంతగానో ఆకట్టుకున్నాయి. రీసెంట్ గా డేవిడ్ వార్నర్ మరో వీడియో చేశాడు. ఇది కూడా బాగా వైరల్‌ అవుతోంది. ఇందులో అతడు ఇండియా గుర్తింపు ఉచిత ఆధార్ తీసుకునేందుకు పరుగెత్తడం ఆయన అభిమానులు, వీక్షకుల్లో నవ్వులు పూయిస్తోంది. అసలేం జరిగిందంటే..
భారత రాజధాని ఢిల్లీలోని అరుణ్‌ జైట్లీ మైదానంలో ఈ ఢిల్లీ ఓపెనర్‌ హోస్ట్ తో మాట్లాడిన వీడియో ఇది. వారి సంభాషణ
హోస్ట్: బాయి సినిమాకు వెళ్దామా!
వార్నర్: నో బాయి రాలేను.
హోస్ట్: ఫ్రీ ఫుడ్ తినేందుకు వెళ్దామా!
వార్నర్: నో బాయి వద్దు..
హోస్ట్: అక్కడ ఆధార్ కార్డు ఫ్రీగా ఇస్తున్నారట
వార్నర్: చలో.. చలో.. (హోస్ట్ ను ఎత్తుకుని మరీ పరుగు పెట్టడం)
హోస్ట్ ప్రశ్నలకు వార్నర్ హిందీలోనే సమాధానం చెప్పడం మరో విశేషం. ఈ ఫన్నీ వీడియో వార్నర్ తన ఇన్‌ స్టాలో షేర్‌ చేయగా.. వైరల్‌ అవుతోంది.
నేడు ఢిల్లీ జట్టు గుజరాత్‌ టైటన్స్ తో తలపడనుంది. గాయం కారణంగా వార్నర్ కొన్ని మ్యాచ్‌లకు దూరంగా ఉన్నాడు. ఇందులో భాగంగానే నేటి మ్యాచ్ లో కూడా ఆయన ఉండకపోవచ్చు. గత మ్యాచ్‌లో హైదరాబాద్‌ చేతిలో ఓటమిపాలైన ఢిల్లీ.. పాయింట్ల పట్టికలో 8వ స్థానంలో కొనసాగుతోంది.