Hari Hara Veera Mallu
Hari Hara Veera Mallu : ఎన్నో రోజలుగా ఎదురు చూస్తున్న పవర్ స్టార్ పనన్ కల్యాన్ అభిమానులకు కిక్కిచ్చే అప్ డేట్ వచ్చేసింది. ఇలా అప్ డేట్ వచ్చిందో లేదో అటు పవర్ స్టార్ ఫ్యాన్స్ ఆనందానికి అవధుల్లేకుండా పోయింది. ఎన్నో రోజులుగా సెట్స్ మీద హరిహర వీరమల్లు మూవీ నుంచి అప్ డేట్ వచ్చింది. ఇది పవన్ కల్యాన్ అభిమానుల అంతులేని సంతోషానికి కారణమైంది.
అటు సినిమాలు.. ఇటు పొలిటికల్ క్యాంపెయిన్
జనసేన అధినేత, పవర్ స్టార్ పవన్ కల్యాన్ ప్రస్తుతం రెండు పడవల మీద ప్రయాణం సాగిస్తున్నాడు. ఇటు సినిమాలు, అటు పొలిటికల్ క్యాంపెయిన్ లో తీరిక లేకుండా గడుపుతున్నారు. ఎన్నడూ లేనంతగా పవన్ కల్యాన్ బ్యాక్ టు బ్యాక్ సినిమాలు లైనప్ లో పెట్టారు. కెరీర్ లో ఇన్ని సినిమాలు ఒప్పుకోవడం ఇదే తొలిసారి. ఒక సినిమా తర్వాత మరో సినిమాకు లైన్ క్లియర్ చేసే పవన్ కల్యాన్ ఒక్కసారిగా వరుస సినిమాలు ఒప్పుకోవడం ఆయన అభిమానులకు ఖుషీ చేయడంతో పాటు ఆశ్చర్యానికి గురి చేస్తు్న్నది.
వరుసగా సినిమాలు..
తన మేనల్లుడు సాయిధరమ్ తేజ్ తో కలిసి బ్రో సినిమాలో కీరోల్ చేశారు. సాహో ఫేం సుజిత్ డైరెక్షన్ లో గ్యాంగ్ స్టర్ గా ఓజీ సినిమా చేస్తున్నాడు. ఈ సినిమా గ్లింప్స్, టీజర్ పవన్ అభిమానులను విపరీతంగా ఆకట్టకున్నాయి. ఓజీ యూ ట్యూబ్ రికార్డులను షేక్ చేసింది. హరీష్ శంకర్ దర్శకత్వంలో ఉస్తాద్ భగత్ సింగ్ మూవీలోనూ చేస్తున్నారు. ఇందులోనూ పవన్ చాలా ఎనర్జిటిక్ గా కనిపిస్తున్నారు. ఇటీవల విడుదలైన డైలాగ్ ప్రోమో తన ప్రస్తుత రాజకీయాలను టచ్ చేస్తూ సాగింది. ఈ డైలాగ్ ప్రస్తుతం పొలిటికల్ గా వైరల్ మారింది.
ఎట్టకేలకు మరో అప్ డేట్
వెర్సటైల్ డైరెక్టర్ క్రిష్ దర్శకత్వంలో రూపుదిద్దుకుంటున్న సినిమా హరిహర వీరమల్లు. తొలిసారి పవన్ కల్యాణ్ పీరియాడిక్ డ్రామా నేపథ్యంలో సినిమా చేస్తున్నారు. ఎప్పుడో మొదలైన ఈ సినిమా కొంత భాగం షూటింగ్ వర్క్ పూర్తి చేసుకుంది. కానీ తరచూ వాయిదా పడుతూ వస్తున్నది. అసలు ఈ సినిమా బయటకు వస్తుందా అనే అనుమానాలు వ్యక్తమవయ్యాయి. ఒక్కసారి అప్ డేట్ రావడంతో అందరి అనుమానాలు తీరిపోయాయి. యానిమల్ మూవీతో విలన్ గా మారిన బాలీవుడ్ హీరో బాబీ డియోల్ ఇందులోనూ నెగెటివ్ రోల్ చేస్తున్నారు. అందాల భామ నిధి అగర్వాల్ హీరోయిన్ గా చేస్తున్నది.
ధర్మం కోసం యుద్ధం
హరిహర వీర మల్లు సినిమాపై మేకర్స్ స్పందించారు. మూవీకి సంబంధించి బ్యాక్ గ్రౌండ్ వర్క్ గురించి వెల్లడించారు. హై ఎండ్ వీఎఫ్‌ఎక్స్ వర్క్ జరుగుతున్నదని, దయచేసి వేచి ఉండండి , థ్రిల్‌ను ఎంజాయ్ చేయండి! అతి త్వరలో, మీరు మీ సీటు అంచున ఉండేలా ప్రత్యేక ప్రోమోను రిలీజ్ చేస్తామని ప్రకటించారు. ధర్మం కోసం యుద్ధం త్వరలో అంటూ పోస్టర్ రిలీజ్ చేశారు.