Rajasaab updates : రాజాసాబ్ అప్ డేట్స్ కావాలా? అప్పటి దాకా ఆగండి.. నిర్మాత షాకింగ్ కామెంట్స్

Rajasaab updates :  రెబల్ స్టా్ర్  ప్రభాస్‌ హీరోగా మారుతి దర్శకత్వంలో తెరకెక్కుతున్న తాజా చిత్రం ‘రాజా సాబ్‌’. ఇప్పటికే ఈ సినిమా నుంచి వచ్చిన ట్రైలర్ రెబల్ స్టార్ ఫ్యాన్స్ ను విపరీతంగా ఆకట్టకుంది. ఆ తర్వాత  కల్కి సినిమా మానియాతో కొద్ది రోజుల పాటు డార్లింగ్ అభిమానులు ఆ సినిమా గురించి మర్చిపోయారు. కల్కి సినిమా విజవంతం  కావడం, పార్ట్ 2 రావడానికి మరికొంత సమయం పట్టే అవకాశం ఉండడంతో ఈ పాన్ ఇండియా స్టార్ అభిమానులు రాజా సాబ్ అప్డేట్స్ ఏవీ అంటూ సోషల్ మీడియాలో మేకర్స్ ను ప్రశ్నిస్తున్నారు.

తాజాగా నిర్మాత శ్రీనివాస కుమార్‌(ఎస్‌కెఎన్‌) ఈ సినిమాపై  ఆసక్తికర వ్యాఖ్యలు చేశారు. రాజాసాబ్ షూటింగ్‌ శరవేగంగా జరుగుతుందని చెప్పడంతో ప్రభాస్ ఫ్యాన్స్ ఖుషీ అవుతున్నారు.  ‘‘అక్టోబర్‌ 23న ఈ సినిమాకు సంబంధించిన అప్‌డేట్స్‌ ప్రారంభమవుతాయని వెల్లడించారు.  ఆ తర్వాత వరుసగా అప్ డేట్స్ వస్తూనే ఉంటాయని చెప్పుకొచ్చారు. ఇందుకు డైరెక్టర్ మారుతి, ప్రొడ్యూసర్ విశ్వప్రసాద్‌ పక్కా ప్లానింగ్ చేస్తున్నారని చెబుతున్నారు.  అక్టోబర్‌ 23 నుంచి సినిమా విడుదలయ్యే  దాకా ‘రాజాసాబ్‌’  ప్రపంచంలోకి ప్రేక్షకులను తీసుకెళ్తామని,  మీడియా వాళ్లకు కూడా ఆ ప్రపంచాన్ని చూపిస్తామని చెప్పారు.  దర్శకుడు మారుతి ఒక్కరోజు కూడా వృథా కాకుండా షూటింగ్ చేస్తున్నారుని వెల్లడించారు.  వినాయకచవితి, దసరా.. ఇలా ఏ ఒక్క పండగకు కూడా సెలవు తీసుకోవడం లేదని చెప్పుకొచ్చారు. అనుకున్న టైమ్ కు సినిమాను విడుదల చేయాలని పట్టుదలతో ఉన్నారుని వెల్లడించారు. 2025 ఏప్రిల్‌ 10న ఈ సినిమా ప్రేక్షకుల థియేటర్లలో విడుదల కానుంది.

మారుతి – ప్రభాస్‌ కలయికలో వస్తున్న తొలిచిత్రం రాజాసాబ్. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ ఈ చిత్రాన్ని నిర్మిస్తున్నారు. నిధి అగర్వాల్, రిద్ధి కుమార్‌, మాళవిక మోహన్ హీరోయిన్లుగా నటిస్తున్నారు. ‘సలార్’, ‘కల్కి 2898 ఏడీ’ వంటి బ్లాక్‌బస్టర్ల తర్వాత ప్రభాస్‌ నుంచి వస్తున్న సినిమా కావడంతో రాజాసాబ్ పై భారీ అంచనాలు నెలకొన్నాయి. హరర్‌ కామెడీ బ్యాక్ డ్రాప్ తో ఈ సినిమాను రూపొందిస్తున్నారు.