LAILA 2024 : ‘లైలా’తో విశ్వక్ సేన్.. మంచి జోష్ మీదున్నాడుగా??
LAILA Poster
LAILA 2024 : రామ్ నారాయణ్ దర్శకత్వంలో విశ్వక్ సేన్ ఓ రొమాంటిక్ యాక్షన్ ఎంటర్‌టైన్‌మెంట్ చేయనున్నాడు. షైన్ స్క్రీన్స్ అధినేత సాహు గారపాటి సమర్పణలో భారీ బడ్జెట్ తో #VS12 గా ఈ సినిమా తెరకెక్కనుంది. విశ్వక్ ‘గామి’తో పెద్ద హిట్ కొట్టగా, షైన్ స్క్రీన్స్ చివరి సినిమా అయిన భగవంత్ కేసరి కూడా బ్లాక్ బస్టర్ గా నిలిచింది. దీంతో సినిమాపై మంచి అంచనాలు ఏర్పడ్డాయి.
ఈ ప్రాజెక్టును అఫీషియల్ గా ఎనౌన్స్ చేసిన మేకర్స్ విశ్వక్ బర్త్ డే సందర్భంగా టైటిల్ ను కూడా రివీల్ చేశారు. ఈ చిత్రానికి ‘లైలా’ అనే టైటిల్ ను ఖరారు చేశారు. అయితే విశ్వక్ సేన్ లైలా ఎవరనే విషయాన్ని మాత్రం వెల్లడించలేదు. టైటిల్ పోస్టర్ ను ఆహ్లాదకరంగా డిజైన్ చేయగా, మోషన్ పోస్టర్ లో పోస్టర్ లోని అన్ని వస్తువులను దగ్గరగా చూపించారు. అద్దం, కొవ్వొత్తి, సీతాకోకచిలుకలు వంటి రొమాంటిక్ వస్తువులతో పాటు గొర్రెల తల, రక్తపు మరకలున్న కత్తిని కూడా పోస్టర్లో చూపించారు. పోస్టర్ లో చార్మినార్ కూడా చూడొచ్చు.
ప్రస్తుతం కొనసాగుతున్న యంగ్ హీరోలలో విశ్వక్ సేన్ గురించి ప్రత్యేకంగా చెప్పుకోవాలి. ఆయన చేసిన ప్రతీ సినిమాలో ఆయన పాత్ర మంచి హైప్ క్రియేట్ చేస్తుంది. విలక్షణ నటుడిగా ఆయన మంచి గుర్తింపు సంపాదించుకున్నాడు. తక్కువ సమయంలోనే భారీ ఫ్యాన్ బేస్ ను క్రియేట్ చేసుకోవడంలో సఫలీకృతం అయ్యారు విశ్వక్ సేన్. ఈ సినిమా కూడా మంచి సక్సెస్ అవుతుందని ఇప్పటికి నమ్ముతున్న మేకర్స్. తర్వలో సెట్స్ పైకి తీసుకెళ్లేలా ప్లాన్ చేస్తున్నట్లు చెప్తున్నారు.