Gaami Collections : విశ్వక్ విశ్వరూపం.. ‘గామి’ వసూళ్ల సునామీ.. 2 రోజుల్లోనే మొత్తం రాబట్టేసింది..

Gaami Collections

Gaami Collections : టాలీవుడ్ యంగ్ హీరో విశ్వక్ సేన్ కు మంచి మార్కెట్ ఉంది. కెరీర్ తొలినాళ్లలోనే మాస్ హీరోగా పేరు తెచ్చుకున్నాడు. విభిన్న కథలను ఎంచుకుంటూ ముందుకెళ్తున్నాడు. తాజాగా ‘గామి’ అనే ప్రయోగాత్మక చిత్రం చేశాడు. సినిమాకు తొలి ఆటతోనే పాజిటివ్ టాక్ రావడంతో కలెక్షన్లు భారీగానే వస్తున్నాయి.

విశ్వక్ హీరోగా విద్యాధర్ దర్శకుడిగా వచ్చిన ఈ మూవీని యూవీ క్రియేషన్స్ నిర్మించింది. నరేశ్ కుమారన్ సంగీతం అందించాడు. చాందినీ చౌదరీ హీరోయిన్ గా, అభినయ కీలకపాత్రలో నటించింది. అలాగే మహ్మద్ సమద్, హారిక, శాంతిరావు, దయానంద్ తదితరులు నటించారు.

ఈమూవీ నైజాంలో రూ.3.50 కోట్లు, సీడెడ్ లో రూ.1.20 కోట్లు, ఏపీ మిగిలిన ప్రాంతాల్లో కలిపి 3.50 కోట్ల బిజినెస్ జరిగింది. మొత్తంగా తెలుగులో రూ.8.20 కోట్లకు అమ్ముడైంది. అలాగే కర్నాటక ప్లస్ రెస్టాఫ్ ఇండియా ప్లస్ ఓవర్సీస్ లో కలిపి రూ.2 కోట్లు చేసింది వీటితో కలిపి మొత్తంగా ఈ చిత్రానికి రూ.10.20 కోట్ల బిజినెస్ జరిగింది.

ఈ మూవీకి రెండో రోజూ సైతం రెస్పాన్స్ బాగానే వచ్చింది. ఏపీ, తెలంగాణలో కలిపి రూ.1.75 కోట్ల వరకు షేర్ ను వసూలు చేసింది. వరల్డ్ వైడ్ గా అన్ని ఏరియాల్లో కలిపితే రూ.2.50 కోట్ల వరకూ రాబట్టింది. రెండు రోజుల్లోనే ఈ మూవీ రూ.7 కోట్ల షేర్ తో సత్తా చాటింది.