Viral Video on K. Nani
Viral Video : ఎన్నికలకు ముందు వైసీపీ నాయకులు ఎన్నెన్ని ప్రగాల్భాలు పలికారో. ఒక్కో అభ్యర్థి బీరాలకు పోయిన తీరు మాములుగా లేదు. ఎన్నికల ఫలితాలు వచ్చేదాక తమదే గెలుపు అన్నంతగా బిల్డప్ కొట్టారు. 175 సీట్లు గెలుస్తామని ఊహల్లో విహరించిన జగన్ అండ్ కోను ఏపీ జనాలు పాతాళానికి తొక్కారు. 2019లోనే 151 సీట్లు ఇస్తే మీరు మాకు పెట్టిన పంగనామాలు ఇక చాలు..2024లో మీకు మేం పంగనామాలు పెడ్తామని ఓటర్లు..చివరకు పంగనామాలు(11) మిగిల్చారు. ఎన్నికల ముందు వైసీపీ నేతల ప్రగాల్భాల వీడియోలను తెగ ట్రోల్స్ వస్తున్నాయి.
విజయవాడ మాజీ ఎంపీ కేశినేని నాని వీడియో ఒకటి ఇప్పుడు సోషల్ మీడియాలో తెగ వైరల్ అవుతోంది. ఈయన గారు ఎన్నికల ముందే వైసీపీలోకి వెళ్లిపోయారు. తనను రాజకీయాల్లో పెంచి పెద్ద చేసిన టీడీపీని వదిలేసి జగన్ పార్టీలోకి దూరి ఎంపీ పదవికి బరిలో నిలిచారు. ఆ సందర్భంగా ఆయన మాట్లాడిన మాటలను ఇప్పుడు ట్రోల్స్ చేస్తూ తెగ ఆడుకుంటున్నారు ట్రోలర్స్. భాషా సినిమాలో రజినీకాంత్, రఘువరన్..‘‘అటు చూడు బే..’’ సీన్ లో నాని వీడియోలను పెట్టి ట్రోల్ చేస్తున్నారు.
ఎన్నికల ముందు నాని ఏం మాట్లాడరంటే..‘‘రేపు ఎన్నికల ఫలితాల తర్వాత తెలుగు దేశం పార్టీకి తాళం వేస్తారు. ’’ అంటూ తన ఓవర్ కాన్ఫిడెన్స్ ను బయటపెట్టుకున్నారు. అయితే ఎన్నికల ఫలితాలు వచ్చిన తర్వాత వైసీపీ నేతలకు ఏడుపు ఒక్కటే తక్కువైంది. ఇక టీడీపీ సునామీ విజయాన్ని చూసి ఎంతో మంది రాజకీయ సన్యాసానికి రెడీ అయిపోయారు. తాజాగా కేశినాని నాని ప్రత్యక్ష రాజకీయాల నుంచి తప్పుకుంటున్నానని సంచలన ప్రకటన చేశారు. దీంతో అప్పటి వీడియోను, ఇప్పటి వీడియోలతో..టీడీపీ ఆఫీస్ కు తాళం వేస్తానన్నోడు..తన ఆఫీస్ కే తాళం వేసుకున్నాడని టీడీపీ శ్రేణులు జోకులు పేల్చుతున్నాయి.
