Viral News : ఏం మనుషులారా మీరు అక్కడ గాలికొడతారా.. మనిషి అనుకుంటున్నారా లేక ఇంకేమైనా అనుకుంటున్నారా?

Viral News : హనుమకొండలోని ఐనవోలులో కొంతమంది ఫ్రెండ్స్ చేసిన పనికి ఒక మిత్రుడు ప్రాణపాయ స్థితిలో కొట్టుమిట్టాడుతున్నాడు. సరదా సరదాకు చేసే పనులు చాలా విషాదంగా మారుతుంటాయి. ఫ్రెండ్ ను ఆట పట్టించే సమయంలో మెకానిక్ షెడ్డులో ఉన్న హైడ్రాలిక్ ఫైపుతో మలద్వారంలో గాలి కొట్టారు. దీంతో మిత్రుడు తీవ్ర అస్వస్థతకు గురయ్యాడు

దీంతో అతడిని వరంగల్ లోని ప్రైవేటు ఆసుపత్రికి తరలించారు. అక్కడ చికిత్స చేయగా.. ఇప్పటికే రూ. లక్ష వరకు ఖర్చయ్యాయి. ఇంకా ఆసుపత్రిలోనే చికిత్స తీసుకుంటున్నారు. మల ద్వారం నుంచి గాలి కొట్టడంతో పెద్ద పేగుతో పాటు ఇతర భాగాలు చాలా వరకు డ్యామేజ్ అయినట్లు సమాచారం. దీంతో అలాంటి స్నేహితులు ఉండాల్సిన అవసరం లేదని చాలా మంది తిట్టిపోస్తున్నారు. స్నేహం అనేది పరిధులు దాటి  ప్రాణాల మీదకు తెచ్చేలా ఉండకూడదని చెబుతున్నారు. కానీ ఇలాంటి సంఘటనలు చూస్తుంటే స్నేహం అనే పేరుకు కళంకం తెస్తున్నారని సోషల్ మీడియాలో మండిపడుతున్నారు.

ఐనవోలు లో జరిగిన సంఘటనలో బాధితుడికి ఆపరేషన్ చేయగా త్రుటిలో ప్రాణపాయం నుంచి తప్పించుకున్నాడు. ఇంకా ఆసుపత్రిలోనే చికిత్స తీసుకుంటుండంతో కుటుంబ సభ్యులు, బంధువులు తీవ్ర ఆందోళన చెందుతున్నారు. ఇలాంటి సంఘటనలు ఎక్కడ ఇప్పటి వరకు జరిగి ఉండవని మరీ దారుణంగా ప్రవర్తిస్తున్నారని ఇలా సైకోగా ప్రవర్తించడానికి కారణాలు వెతికి కౌన్సిలింగ్ ఇవ్వాలని నిపుణులు సూచిస్తున్నారు.

ఇది కావాలనే చేశారా.. వద్దని చెబుతున్నా ఇలాంటి దారుణాలు ఫ్రెండ్ షిప్ ముసుగులో చేస్తూ రాక్షసానందం పొందుతున్నారని ఇలా చేసే వారికి కఠినంగా శిక్షలు విధించాలని చాలా మంది అభిప్రాయం వ్యక్తం చేస్తున్నారు.  సోషల్ మీడియాలో అనేక మంది వీడియోలు చూస్తూ విపరీత ధోరణికి, పోకడలకు పోతున్నారని చెబుతున్నారు. ఫ్రెండ్ లైఫ్ ని ఇరకాటంలో పెట్టి ప్రాణాల మీదకు తెచ్చిన వారిపై కఠిన మైన చర్యలు తీసుకోవాలని కోరుతున్నారు.