– నాగోలులో యువతి హంగామా
Viral News
Viral News : నడిరోడ్డుపై మద్యం తాగుతూ ఓ యువతి, యువకుడు హల్ చల్ చేశారు. ఓ చేతిలో సిగరెట్, మరో చేతిలో బీరుసీసాతో హంగామా సృష్టించారు. బహిరంగ ప్రదేశాల్లో ఇలా చేయడం సరికాదని మార్నింగ్ వాక్ కు వచ్చిన వారు హెచ్చరించడంతో వారిపై ఎదురుతిరిగారు. వారిని బూతులు తిడుతూ రెచ్చిపోయారు. కారును వేగంగా నడుపుతూ భయాందోళనకు గురిచేశారు. ఈ ఘటన నాగోలు పోలీస్ స్టేషన్ పరిధిలోని ఫతుల్లగూడ వద్ద గురువారం ఉదయం జరిగింది.
కారులో ఫుల్ సౌండ్ తో పాటలు పెట్టి నడిరోడ్డుపై యువతీ బార్లీ, యువకుడు అలెక్స్ స్మోక్ చేస్తూ.. బీర్ తాగడం మొదలుపెట్టారు. అటుగా వచ్చిన వాకర్స్ వారిని అడ్డుకోవడంతో వాగ్వాదానికి దిగి దుర్భాషలాడారు. పోలీసులకు ఫోన్ చేసేందుకు యత్నించిన వ్యక్తి ఫోన్ లాక్కోవడానికి యువతి యత్నించింది. స్థానికులు వారిపై పెద్ద ఎత్తున మండిపడడంతో యువతీ యువకుడు అక్కడి నుంచి వెళ్లిపోయారు.
యువతీ యువకుడి హంగామా వీడియో శుక్రవారం సోషల్ మీడియాలో వైరల్ కావడంతో పోలీసులు నిందితులపై కేసులు నమోదు చేశారు. వారిని గుర్తించి అరెస్టు చేసినట్లు సమాచారం. ఫతుల్లగూడ సర్వీస్ రోడ్డులో రోజూ ఇలాంటి ఘటనలు ఎన్నో జరుగుతున్నాయని స్థానికులు ఆరోపిస్తున్నారు.