Vijayawada : రాజస్థాన్ లో విజయవాడ న్యాయవాదుల బస్సుకు ప్రమాదం.. ఒకరి మృతి

Vijayawada Accident

Vijayawada Lawyers : రాజస్థాన్ లోని అజ్ మేర్ లో విజయవాడ బార్ అసోసియేషన్ న్యాయవాదుల బస్సుకు ప్రమాదం జరిగింది. ఈ ప్రమాదంలో ఒకరు మృతి చెందగా, 11 మందికి గాయాలయ్యాయి. గాయాలైన వారిని ఆస్పత్రికి తరలించారు. విజయవాడ నుంచి బార్ అసోసియేషన్ న్యాయవాదులు రెండు బస్సుల్లో అజ్ మేర్ విహారయాత్రకు వెళ్లారు. మంగళవారం తెల్లవారు జామున 3 గంటల సమయంలో ఆగి ఉన్న ట్రక్కును న్యాయవాదుల బస్సు ఢీకొట్టింది. ఈ ప్రమాదంలో సీనియర్ న్యాయవాది సుంకర రాజేంద్రప్రసాద్ సతీమణి జ్యోత్స్న అక్కడికక్కడే మృతి చెందారు. రాజేంద్రప్రసాద్ సహా 11 మందికి గాయాలు కావడంతో వారిని సమీపంలోని ఆస్పత్రికి తరలించి చికిత్స అందిస్తున్నారు.