Vijayasai Reddy : బీజేపీ నుంచి రాజ్యసభకు ఎంపీగా విజయసాయిరెడ్డి

Vijayasai Reddy : రాజకీయాలకు దూరంగా ఉంటానని ప్రకటించిన విజయసాయిరెడ్డి, మళ్లీ రాజకీయ రంగప్రవేశానికి సిద్ధమవుతున్నారు. ఇటీవల వైయస్సార్ కాంగ్రెస్ పార్టీకి రాజీనామా చేసిన ఆయన, ఇప్పుడు బీజేపీ అభ్యర్థిగా రాజ్యసభకు బరిలోకి దిగనున్నారని సమాచారం. ఇది ఏపీలోని రాజకీయ సమీకరణాలను బలంగా ప్రభావితం చేయనుంది.వైసీపీపై విమర్శలు గుప్పిస్తూ, జగన్ చుట్టూ ఉన్న కోటరి వ్యవహారాలపై వ్యాఖ్యలు చేసిన ఆయన, గతంలో తాను వ్యతిరేకించిన కూటమి వైపు సాగుతున్న సంకేతాలను ఇప్పటివరకు పలుమార్లు ఇచ్చారు. ముఖ్యంగా తన రాజీనామా కూటమికి ప్రయోజనం కోసం చేశానని ఆయన స్వయంగా వ్యాఖ్యానించారు.ఇప్పుడు అదే ఖాళీ అయిన రాజ్యసభ స్థానాన్ని విజయసాయిరెడ్డితోనే భర్తీ చేయనున్నట్లు తెలుస్తోంది. బీజేపీ అభ్యర్థిగా ఆయనను ప్రవేశపెట్టడమేగాక, టీడీపీ–జనసేన పార్టీల మద్దతుతో విజయాన్ని సాధించాలనే వ్యూహం బీజేపీ–కూటమి అమలు చేస్తోంది.

ఇదిలా ఉండగా, విజయసాయిరెడ్డి గతంలో వైసీపీలో కీలక నేతగా పనిచేయడంతో ఆ పార్టీ అంతర్గత వ్యవహారాలపై పూర్తి అవగాహన ఉన్న వ్యక్తిగా గుర్తింపు పొందారు. ఇప్పుడు ఆయన బీజేపీ తరఫున వైసీపీపై విమర్శలు చేస్తూ, కూటమికి శక్తినివ్వనున్నారన్నది స్పష్టమవుతోంది.

ఈ పరిణామాలు ఏపీ రాజకీయాల్లో నూతన సమీకరణాలకు దారి తీసే అవకాశాలు స్పష్టంగా కనిపిస్తున్నాయి.