Vijay Leo Movie : బుల్లితెర పై డిజాస్టర్ టీఆర్ఫీ రేటింగ్స్ ని దక్కించుకున్న విజయ్ ‘లియో’ చిత్రం!

Vijay Leo Movie

Vijay Leo movie : గత ఏడాది భారీ అంచనాల నడుమ విడుదలలో మొదటి ఆట నుండి డివైడ్ టాక్ ని సొంతం చేసుకున్న చిత్రం ‘లియో’. విక్రమ్ లాంటి సెన్సేషనల్ బ్లాక్ బస్టర్ తర్వాత లోకేష్ కనకరాజ్ దర్శకత్వం లో తెరకెక్కిన ఈ సినిమా విడుదలకు ముందు హద్దులు దాటిన అంచనాలు ఉండేవి. ఎందుకంటే ఈ సినిమా లోకేష్ సినిమాటిక్ యూనివర్స్ నుండి వస్తుంది కాబట్టి. లోకేష్ సినిమాటిక్ యూనివర్స్ అంటే గతం లో ఆయన దర్శకత్వం వహించిన ‘ఖైదీ’ మరియు ‘విక్రమ్’ సినిమాల కథలకు ‘లియో’ చిత్రానికి కూడా లింక్ ఉన్నట్టు అన్నమాట.

అలా భారీ హైప్ తో విడుదలైన ఈ చిత్రానికి డివైడ్ టాక్ వచ్చినప్పటికీ కూడా కమర్షియల్ గా సూపర్ హిట్ గానే నిల్చింది. ప్రపంచవ్యాప్తంగా ఈ సినిమాకి దాదాపుగా 620 కోట్ల రూపాయిల గ్రాస్ వసూళ్లు వచ్చాయి. ఇది కచ్చితంగా విజయ్ స్టార్ పవర్ కి నిదర్శనం అని చెప్పడం లో ఎలాంటి అతిశయోక్తి లేదు.

అయితే ఈ సినిమాని రీసెంట్ గానే జెమినీ టీవీ లో టెలికాస్ట్ చేసారు. టీవీ టెలికాస్ట్ లో కూడా థియేటర్స్ లో జరిగిన మ్యాజిక్ జరుగుతుందని అనుకున్నారు. కానీ డిజాస్టర్ రేంజ్ లో రేటింగ్స్ వచ్చాయి. బార్క్ సంస్థ అందించిన నివేదిక ప్రకారం ఈ చిత్రానికి కేవలం 3 రేటింగ్స్ మాత్రమే వచ్చింది అట. 600 కోట్ల రూపాయలకు పైగా గ్రాస్ వసూళ్లను సాధించిన ఒక చిత్రానికి ఇంత తక్కువ రేటింగ్స్ రావడం అనేది జరగడం ఇదే తొలిసారి. ఇదే జెమినీ టీవీ లో గతం లో టెలికాస్ట్ అయిన సూపర్ స్టార్ జైలర్ చిత్రానికి దాదాపుగా 6 టీఆర్ఫీ రేటింగ్స్ వచ్చింది.

ఈ సినిమాకి కూడా ‘లియో’ చిత్రానికి వచ్చిన రేంజ్ వసూళ్లే వచ్చాయి. కానీ ఎంత తేడానో మీరే చూడండి. రెండు సినిమాలకు మధ్య దాదాపుగా రెండింతల గ్యాప్ ఉంది. అంతే కాదు ఈమధ్య కాలం లో జెమినీ టీవీ లో ఈ స్థాయి రేటింగ్స్ వచ్చిన సినిమా మరొకటి లేదు. నాని హీరో గా నటించిన రెండు కొత్త సినిమాలకు 5 కంటే తక్కువ టీఆర్ఫీ రేటింగ్స్ వచ్చాయి. ఒక్క మెగాస్టార్ చిరంజీవి ‘వాల్తేరు వీరయ్య’ సినిమాకి మాత్రం జైలర్ రేంజ్ లోనే రేటింగ్స్ వచ్చింది.