Bithiri satti : భగవద్గీతపై వీడియో.. అడ్డంగా బుక్కైన బిత్తిరి సత్తి

Bithiri satti

Bithiri satti : చేవెళ్ల రవి.. బిత్తిరి సత్తి.. అలియాస్ ఇస్మార్ట్ సత్తి.. తుపాకి రాముడు అంటే అందరు గుర్తు పట్టేస్తారు. అంతలా బుల్లితెరపై గుర్తింపు తెచ్చుకున్నాడు చేవెళ్ల రవి. అయితే, ఏది చేసినా చెల్లుతుందనుకున్నాడో ఏమో కానీ తాజాగా భగవద్గీతపై వీడియో చేసి అడ్డంగా బుక్కయ్యాడు. నెట్టింట ఈ వీడియో తెగ వైరలవుతోంది. వీడియోలో భగవద్గీతను అనుకరిస్తూ తనదైన శైలిలో వ్యంగ్యంగా బిత్తిరి సత్తి స్కిట్ చేశాడు. దీనిపై నెటిజన్లు మండిపడుతున్నారు. మరోవైపు హిందూ సంఘాలు సైతం బిత్తిరి సత్తిపై మండిపడుతున్నాయి. వీడియో హిందువుల మనోభావాలను దెబ్బతీసేలా ఉందంటూ సర్వత్రా బిత్తిరి సత్తిపై ఆగ్రహం వ్యక్తమవుతోంది.

వీడియోను తొలగించి హిందువులకు క్షమాపణ చెప్పాలని పలు హిందూ సంఘాలు డిమాండ్ చేస్తున్నాయి. తన వీడియోలు హిందువులను కించపరిచేలా లేవని బిత్తిరి సత్తి సమర్థించుకున్నారు. బిత్తిరి సత్తిపై సైబర్ క్రైం పోలీసులకు వానర సేన అనే హిందూ సంఘం ఫిర్యాదు చేసింది. కేసు నమోదు చేసి సైబర్ క్రైం పోలీసులు కేసు దర్యాప్తు చేస్తున్నారు.