Venkatesh-Sandeep Vanga
Venkatesh-Sandeep Vanga Combination : ప్రస్తుతం ఇండియా మొత్తం మారు మోగిపోతున్న పేరు సందీప్ రెడ్డి వంగ. ఒకే మూసలో వెళ్తున్న ఇండియన్ కమర్షియల్ సినిమాని అప్పట్లో రామ్ గోపాల్ వర్మ ఎలా అయితే బ్రేక్ చేసి సరికొత్త పంథాలో నడిచేలా చేసాడో, ఇప్పటి తరం లో సందీప్ వంగ అలాంటి ట్రెండ్ ని క్రియేట్ చేసాడు. ‘అర్జున్ రెడ్డి’ సినిమాతో ఇండస్ట్రీ లోకి అడుగుపెట్టిన సందీప్, అంతకు ముందు పలు సినిమాలకు అసిస్టెంట్ డైరెక్టర్ గా పని చేసాడు.
విభిన్నమైన ఆలోచనలు ఉన్న సందీప్, మొదట్లో అర్జున్ రెడ్డి చిత్రాన్ని శర్వానంద్, అల్లు అర్జున్ లాంటి హీరోలతో చేద్దాం అనుకున్నాడు. కానీ బోల్డ్ కంటెంట్ అవ్వడం తో ఆ ఇద్దరు హీరోలు అప్పట్లో చెయ్యడానికి భయపడ్డారు. అలాంటి సమయం లో అప్పుడే ఇండస్ట్రీ లోకి వచ్చిన విజయ్ దేవరకొండ తో ఈ సినిమాని చేసి సేసనేషన్ సృష్టించాడు. ఆ తర్వాత హిందీ లో ‘కబీర్ సింగ్’ పేరుతో రీమేక్ చేసి, బాలీవుడ్ బాక్స్ ఆఫీస్ ని షేక్ చేసాడు.
ఈ చిత్రం తర్వాత బాలీవుడ్ స్టార్ హీరో రణబీర్ కపూర్ తో సందీప్ చేసిన రీసెంట్ చిత్రం ‘ఎనిమల్’ ఇండియన్ బాక్స్ ఆఫీస్ ని ఏ రేంజ్ లో షేక్ చేసిందో ప్రత్యేకించి చెప్పనక్కర్లేదు. సుమారుగా 900 కోట్ల రూపాయిల షేర్ వసూళ్లను రాబట్టింది ఈ చిత్రం. తన బోల్డ్ టేకింగ్ తో యూత్ ఆడియన్స్ ని ఈ చిత్రంతో మెంటలెక్కిపొయ్యేలా చేసాడు సందీప్. ఈ సినిమా తర్వాత ఆయన ప్రభాస్ తో ‘స్పిరిట్’ అనే చిత్రం చెయ్యబోతున్నాడు. ఇది ఒక పవర్ ఫుల్ పోలీస్ ఆఫీసర్ కథ. గతం లో ఇదే టైపు స్టోరీ తో విక్టరీ వెంకటేష్ తో ఒక సినిమా చెయ్యాలని అనుకున్నాడట సందీప్. అర్జున్ రెడ్డి చిత్రం కంటే ముందు, ఆయన అసిస్టెంట్ డైరెక్టర్ గా పనిచేస్తున్న రోజుల్లో వెంకటేష్ తో ఈ స్టోరీ చెయ్యాలని ప్రయత్నం చేసాడట.
వెంకటేష్ కి కథ తెగ నచ్చింది కానీ, తనకి ఫ్యామిలీస్ లో మంచి ఇమేజి ఉందని, ఇంత బోల్డ్ కంటెంట్ చేస్తే వాళ్ళు ఆదరించలేరని, పైగా నా ఇమేజి కూడా డ్యామేజ్ అయ్యే అవకాశం ఉందని, చాలా సున్నితంగా ఈ ప్రాజెక్ట్ ని రిజెక్ట్ చేసాడట.కానీ మారుతున్న ట్రెండ్ కొద్దీ ఇప్పుడు ఆడియన్స్ అలాంటి కంటెంట్ ని నచ్చుతున్నారు. వెంకటేష్ కూడా ‘రానా నాయుడు’ లాంటి బోల్డ్ వెబ్ సిరీస్ కంటెంట్ లో నటించాల్సి వచ్చింది. అదేదో అప్పుడే సందీప్ వంగ తో సినిమా చేసి ఉంటే వెంకీ కెరీర్ లో భారీ బ్లాక్ బస్టర్ ఉండేదని, ఈ వార్త తెలుసుకున్న ఆయన అభిమానులు బాధపడుతున్నారు.