Venu Swamy : ప్రభాస్ ఫ్యాన్స్ ను మళ్లీ గెలికిన వేణుస్వామి..తాను చెప్పింది జరిగింది కదరా అంటూ..

Venu Swamy

Venu Swamy : ప్రముఖ జ్యోతిషుడు వేణుస్వామి గిచ్చి కయ్యం పెట్టుకునే టైప్. వ్యూస్ కోసమో లేదా వార్తల్లో నిలువాలనుకోవడమో కానీ అంతకు మించి హీరోల అభిమానుల చేత చివాట్లు పడుతుంటారు. సెలబ్రిటీల జాతకాలు చెప్తూ ఫేమస్ అయిన వేణుస్వామి వారి పర్సనల్ లైఫ్, కెరీర్ గురించి అంచనాలు వేసి సోషల్ మీడియాలో ఓపెన్ గా చెప్పేస్తుంటాడు. ఒక్కోసారి చాలెంజ్ లు సైతం విసురుతుంటాడు. జాతకాల పేరుతో హీరోలు, రాజకీయ నాయకులపై నెగిటివ్ కామెంట్స్ చేస్తుంటాడు.

కాగా, గతంలో ప్రభాస్ పెళ్లి గురించి సంచలన వ్యాఖ్యలు చేశాడు. ప్రభాస్ పెళ్లి చేసుకోడని, ఇక అతని కెరీర్ అయిపోయిందని, బహుబలి తర్వాత మళ్లీ అంతటి స్థాయికి చేరుకోలేడని చెప్పారు. సలార్ రిలీజ్ కు ముందు సినిమా అట్టర్ ప్లాప్ అవుతుందని చెప్పాడు. ప్రభాస్ కు అనారోగ్య సమస్యలు వస్తాయని, అతడి కెరీర్ డౌన్ ఫాల్ అవుతుందని జోస్యం చెప్పాడు. కానీ అతడి జోస్యానికి వ్యతిరేకంగానే అన్ని జరిగాయి.

ఇక ఇటీవల సలార్ బిజెనెస్ లెక్కలు బయటకు వచ్చాయి. దీంతో కలెక్షన్ల వివరాలు కూడా బయట పడ్డాయి. నార్త్ ఇండియా, నైజాం ఏరియా తప్ప మిగిలిన చోట్ల డిస్ట్రిబ్యూటర్స్ నష్టపోయినట్లు తెలుస్తోంది. బయ్యర్ల నష్టాలను నిర్మాతలు సెటిల్ చేశారట. దీంతో వేణుస్వామి తెరపైకి వచ్చి సలార్ ప్లాప్ అవుతుందని తాను ముందే చెప్పాను కదా అనే అర్థంలో ఓ మీమ్ షేర్ చేశాడు. సలార్ ప్లాప్ అని నేను చేప్తే.. నన్ను కిందా ఏసుకున్నారు కదరా..ఇప్పుడేమైంది అంటూ వేణు స్వామి పోస్ట్ పెట్టాడు. దీంతో వేణు స్వామి జాతకమే నిజమైంది అని కొందరు కామెంట్స్ చేస్తే ప్రభాస్ ఫ్యాన్స్ మాత్రం తీవ్రంగా మండిపడుతున్నారు.