Operation Valentine : URI కంటే పవర్ ఫుల్ గా ఉండబోతోందా..! శత్రుదేశాన్ని చండాడిన వరుణ్ తేజ్.. ఆపరేషన్ వాలెంటైన్ ట్రైలర్ ఏం చెప్తుందంటే?

Operation Valentine

Operation Valentine : తెలుగు, హిందీ భాషల్లో తెరకెక్కిన ‘ఆపరేషన్ వాలెంటైన్’ ట్రైలర్ ను నిర్మాతలు మంగళవారం రిలీజ్ చేశారు. సల్మాన్ ఖాన్, రామ్ చరణ్ హిందీ, తెలుగు ట్రైలర్‌లను విడుదల చేశారు. యాడ్ ఫిల్మ్ మేకర్ శక్తి ప్రతాప్ సింగ్ హడా దర్శకత్వం వహించిన ఈ చిత్రంలో వరుణ్ తేజ్, మానుషి చిల్లర్ హీరో, హీరోయిన్లుగా నటించారు. తెలుగు, హిందీ భాషల్లో ఈ మూవీని తీసుకురానున్నారు. పాన్ ఇండియా లెవల్ లో రిలీజ్ చేసేందుకు టీమ్ సన్నాహాలు చేస్తుంది.

ట్రైలర్
2 నిమిషాల 42 సెకండ్ల నిడివి గల ట్రైలర్ లో వరుణ్ పాత్రపేరు రుద్ర. అతను రూల్స్ ను అతిక్రమిస్తుండడంతో ట్రైలర్ ప్రారంభమవుతుంది. అతని గర్ల్ ఫ్రెండ్ పేరు సోనాల్ ఈ పాత్రలో మానుషి నటించారు. ఆమె రాడార్ ఆఫీసర్. రుద్రను కట్టడి చేయడం సీనియర్ ఆఫీసర్ల వల్ల కూడా కాదని అర్థం అవుతుంది. ట్రైలర్‌లో నవదీప్, అలీ రెజా, రుహాని శర్మ తోటి ఐఏఎఫ్ పైలట్ల పాత్రలు కూడా ఉన్నాయి.

ఆపరేషన్ వాలెంటైన్ గురించి
అడివి శేష్ మేజర్ చిత్రాన్ని నిర్మించిన తర్వాత, సోనీ పిక్చర్స్ ఇంటర్నేషనల్ ప్రొడక్షన్ ఆపరేషన్ వాలెంటైన్‌కు మద్దతిచ్చింది. మేకర్స్ ఒక ప్రకటన కూడా రిలీజ్ చేశారు. ‘ఈ చిత్రం మన ఎయిర్ ఫోర్స్ ఆఫీసర్ల సాహసాలను చూపుతుంది. శక్తి, అమీర్ ఖాన్ మరియు సిద్ధార్థ్ రాజ్ కుమార్ కథ అందించిన ఈ చిత్రం మార్చి 1న ప్రేక్షకుల ముందుకు రానుంది. ఇది ఉత్తరాదిలో వరుణ్ అరంగేట్రం, దక్షిణాదిలో మానుషి అరంగేట్రం అవుతుంది’ అని పేర్కొంది.