Vanga Geetha : మరోసారి పవన్ కళ్యాణ్ గురించి మాట్లాడిన వంగ గీత.. ఈ సారి వైసీపీ నాయకుల కౌంటర్..?

Vanga Geetha

Vanga Geetha : మే 13న పోలింగ్ జరిగినప్పటి నుంచి వైఎస్ఆర్ కాంగ్రెస్ పార్టీ నాయకురాలు, పిఠాపురం నియోజకవర్గం వైసీపీ అభ్యర్థి వంగగీత విచిత్రమైన వ్యాఖ్యలు చేస్తున్నారు. పిఠాపురంలో పోరు చాలా కఠినంగా ఉందని, ఫలితం ఎలాగైనా మారవచ్చని గ్రౌండ్ రిపోర్ట్స్ సూచిస్తున్నప్పటికీ, వంగ గీత పవన్ కళ్యాణ్, మెగా ఫ్యామిలీకి అనుకూలంగా మాట్లాడడం ప్రారంభించింది. కొన్ని రోజుల క్రితం, ఆమె ‘అన్నయ్య’ చిరంజీవికి గొప్ప అభిమానిని అని, పవన్ కళ్యాణ్‌తో సహా మెగా కుటుంబంపై గౌరవం ఉందని చెప్పింది.

ఎన్నికల ప్రచారంలో పవన్ కళ్యాణ్‌కు వ్యతిరేకంగా నేనెప్పుడూ ఒక్క మాట కూడా మాట్లాడలేదని, అలాగే నా పార్టీ నాయకులను ఆయన గురించి ప్రతికూలంగా మాట్లాడనివ్వలేదని ఆమె చెప్పారు. మంగళవారం, వంగగీత వ్యాఖ్యలకు సంబంధించిన మరో వీడియో సోషల్ మీడియా ప్లాట్‌ ఫామ్‌లో ప్రత్యక్షమైంది.

పవన్ కళ్యాణ్‌ను సెలబ్రిటీ పొలిటీషియన్‌గా అభివర్ణించిన ఆమె, ఆయన తరఫున ప్రచారం చేసేందుకు సినీ నటులతో పాటు పలువురు పిఠాపురం వచ్చారని పేర్కొన్నారు. ఈ ఎన్నికల్లో పవన్ కళ్యాణ్ కు 80 వేల నుంచి 90 వేల ఓట్లు వచ్చే అవకాశం ఉందని ఆమె జోస్యం చెప్పారు. పవర్‌స్టార్‌కు 90 వేల ఓట్ల మెజారిటీ వస్తుందని వంగగీత స్వయంగా ఒప్పుకోవడంతో వైఎస్సార్‌సీపీ నేతలు నోరు మూసుకొని దుకాణం మూసుకోవాలి అంటూ జనసేన పార్టీ మద్దతుదారులు, పవన్ కళ్యాణ్ అభిమానులు సోషల్ మీడియాలో కామెంట్స్ మొదలుపెట్టారు.

అయితే పవన్ కళ్యాణ్‌కు 90 వేల ఓట్లు వస్తాయని గీత మాత్రమే చెప్పారని, అయితే మెజారిటీ రాదని వైఎస్సార్‌సీపీ అనుచరులు చెబుతున్నారు. పవర్‌స్టార్‌కు ఎన్నికల్లో ఓటమి తప్పదని తేల్చి చెప్పారు. వంగగీత వ్యాఖ్యలతో కూడిన వీడియో జన సైనికులు రూపొందించిన డీప్ ఫేక్ అయి ఉంటుందనే అనుమానం కూడా ఉందని పేర్కొంటున్నారు. ఫేక్ వీడియో కల్చర్ నడుస్తున్న ఈ రోజుల్లో ఏది నిజమో ఏది ఫేక్ అని వేరు చేయడం చాలా కష్టం అంటూ కామెంట్లు పెడతున్నారు.