Urvashi Rautela
Urvashi Rautela : బాలీవుడ్ భామ ఊర్వశి రౌటేలా హీరోయిన్ గా కన్నా ఐటెం సాంగ్స్ తోనే బాగా ఫేమస్ అయ్యింది. 2013లో బాలీవుడ్ లోకి ఎంట్రీ ఇచ్చిన ఈ ముద్దుగుమ్మకు సోలో హీరోయిన్ గా ఒక్క హిట్టు కూడా పడలేదు. కానీ దాదాపు పదేళ్లుగా సినిమాలతో ఫుల్ బిజీగా ఉన్నది. ఈ భామ సినిమాలో ఐటెం సాంగ్ చేస్తే ఆ మూవీ సూపర్ హిట్టవుతున్నది.
టాలీవుడ్ మెగాస్టార్ చిరంజీవి, మాస్ మహారాజ రవితేజ కాంబినేషన్ వచ్చిన వాల్తేరు వీరయ్య సినిమాలో ఊర్వశి చిరంజీవితో కలిసి స్టెప్పలేసింది. ఈ పాట సూపర్ హిట్టవ్వడంతో పాటు సినిమా కూడా డూపర్ హిట్టయ్యింది.
‘వేర్ ఈజ్ ది పార్టీ బాస్ వేర్ ఈజ్ ది పార్టీ’ అంటూ ‘వాల్తేరు వీరయ్య’లో మెగాస్టార్ తో పాదం కదిపి కుర్రకారును ఊర్రూతలూపింది. కాగా ఇటీవల ఊర్వశికి సంబంధించిన ఓ వీడియో నెట్టింట హల్ చల్ చేయడంతో వార్తల్లో నిలిచింది. కొద్ది రోజులుగా ఈ వీడియో వైరల్ అవుతుండగా, తాజాగా ఈ చిన్నది స్పందించింది. అయితే ఆ వీడియో మూవీ సినిమా కోసం చిత్రీకరించిందని వెల్లడించింది.
ఊర్వశీ నటిస్తున్న తాజా చిత్రం ‘గుస్పేటియా’. ఈ సినిమాలో షూట్ చేసిన ఓ సీన్‌ కొద్ది రోజుల క్రితం నెట్టింట దర్శనమివ్వడంతో వైరల్ గా మారింది. దీంతో ఈ చిన్నది నొచ్చుకున్నది. ఆ వీడియో బయటకు రావడం తననెంతో బాధించిందని చెప్పుకొచ్చింది. మూవీ విడుదలకు ముందే వీడియోలు ఫొటోలు లీక్‌ కావడంతో అప్ సెట్ అయినట్లు వెల్లడించింది. అది తర వ్యక్తిగత జీవితానికి సంబంధించిన వీడియో కాదని, కానీ ఏ అమ్మాయికి ఇలాంటి చేదు అనుభవం ఎదురుకాకూడదని చెప్పుకొచ్చింది.
కాగా ‘గుస్పేటియా’ మూవీకి సుశీ గణేషన్‌ డైరెక్టర్. అక్షయ్‌ ఒబెరాయ్‌ లీడ్ రోల్ చేస్తున్నారు. వచ్చే నెల 9న ఈ సినిమా విడుదల కానుంది. బాలకృష్ణ నటిస్తున్న 109 చిత్రంలోనూ ఊర్వశీ ఓ కీలక పాత్ర చేస్తున్దని. ఈ సినిమా సెట్‌లో ఊర్వశికి స్వల్ప గాయాలయ్యాయి. దీనిపై ఇటీవల ఆమె సోషల్ మీడియాలో ఓ పోస్ట్‌ పెట్టారు. ఈ మూవీలో తన క్యారెక్టర్‌ కొత్తగా ఉంటుందని చెప్పుకొచ్చింది. హీరో బాలకృష్ణ గొప్ప నటుడని, అంతకు మించి మంచి వ్యక్తిత్వం కూడా ఆయన సొంతమని వెల్లడించింది. టాలీవుడ్ వాతావరణం తనకు బాగా నచ్చిందని చెప్పింది. . రాబోయే రోజుల్లో మరిన్ని అవకాశాలు వస్తాయని ఆశిస్తున్నట్లు చెప్పుకొచ్చింది.