Upendra UI Trending Song : తెలుగు నేతల డైలాగులే పాటగా..టాప్ ట్రెండింగ్ లో ఉపేంద్ర సరికొత్త సంచలనం.

Upendra UI Trending Song

Upendra UI Trending Song : దేశంలో ప్రస్తుతం ఎక్కడా చూసినా రాజకీయ చర్చలే నడుస్తున్నాయి. మరికొన్ని రోజుల్లోనే లోక్ సభ ఎన్నికల షెడ్యూల్ వచ్చే అవకాశం ఉండడంతో అందరూ బిజీ బిజీ అయిపోయారు. జనాలు కూడా ఎలక్షన్ మూడ్ లోకి వచ్చేశారు. అయితే జనాల మూడ్ ను క్యాచ్ చేయడంలో సినీ పరిశ్రమ ముందుంటుంది. కన్నడ సూపర్ స్టార్, దర్శకుడు ఉపేంద్ర ఇప్పుడదే చేశారు. దేశంలోనే ఉపేంద్ర వంటి దర్శకుడు ఉండడనే చెప్పవచ్చు. నటుడు కాకముందే దర్శకుడిగా ఆయన స్టార్ డైరెక్టర్.

ఉపేంద్ర దర్శకత్వంలో వచ్చిన ఓం, ఏ, ఉపేంద్ర వంటి చిత్రాలు దక్షిణాదిని ఓ ఊపు ఊపేశాయనే చెప్పాలి. తాజాగా ఉపేంద్ర మరో సంచలనానికి తెరతీశారు.  తెలుగు నాట ఎన్నికల ప్రసంగాలను, రాజకీయ నేతల స్పీచ్ లోని హుక్ ట్యాగ్స్ తీసుకుని ఓ పాటను రూపొందించగా ఇప్పుడది టాప్ ట్రెండింగ్ లో ఉంది. ఇంతకీ ఆ పాటలో ఏముందో వివరాల్లోకి వెళ్దాం..

ఉపేంద్ర తన తాజా చిత్రం UI(యూఐ). ఏంటి పేరు చూస్తేనే గమ్మత్తుగా ఉంది కదా. ఉపేంద్ర సినిమాలే కాదు టైటిల్స్ కూడా డిఫరెంట్ గా ఉంటాయి. ఆయన హిట్ ఫార్ములే అది. తాజా యూఐ సినిమాలో ఉపేంద్రతో పాటు రీష్మా నన్నయ్య, సన్నీలియోన్, జిషు సేన్ గుప్తా, మురళీ శర్మ, ఇంద్రజిత్ లోకేశ్ తదితరులు నటించారు. ఈ సినిమాకు అజనీష్ లోక్ నాథ్ సంగీతం అందిస్తున్నారు.

యూఐ సినిమా కోసం రాసిన పాట ఇప్పుడు సినీ వర్గాల్లో చర్చనీయాంశమైంది. ఈ సినిమాలో పవన్ కల్యాణ్ తన ప్రసంగంలో వాడిన మనల్నెవడురా ఆపేది.. నేను ఉన్నానంటూ.. ముద్దులు ఇచచే జగన్ అంటూ.. కుర్చి మడతపెట్టి అంటూ చంద్రబాబు వాడిన డైలాగ్స్, అలాగే పాలు, పూలు అమ్మిన మల్లారెడ్డి సెన్సేషనల్ డైలాగ్స్ ఈ పాటను క్రేజీగా మార్చాయి.

ఇక షర్మిల పాదయాత్ర గురించి ఆమె స్పీచ్, అలాగే ఏవేవో అనుకుంటాం..అన్నీ అవుతాయా? అంటూ బాలయ్య చెప్పే డైలాగులు, ఈ పాట కోసం వాడుకున్నారు. తెలుగు సినిమా పరిశ్రమలో టాప్ హుక్ డైలాగ్.. రెండు చేతులు జేబులో పెట్టుకుని ఎక్కడికో వెళ్తా అంటూ త్రివిక్రమ్ మాటలు, వర్త్ వర్మ అనే డైలాగులను ఈ పాటలో వాడుకున్నారు. ఏపీలో ఎన్నికల వేళ ఈ పాటతో పాటు సినిమా కూడా రిలీజ్ అయ్యే అవకాశం ఉంది. మరోసారి తెలుగు నాట ఉపేంద్ర యూఐ మూవీతో సత్తా చాటడం ఖాయం.