Devara : దేవర సెట్ నుంచి అప్ డేట్: సముద్ర తీరం వద్ద ఎన్టీఆర్.. ఇక్కడే కీలక సన్నివేశాలు..!

Devara

Devara : జూనియర్ ఎన్టీఆర్, దర్శకుడు కొరటాల శివ, కొరియోగ్రాఫర్ రాజా సుందరం కాంబోలో వస్తున్న సినిమా ‘దేవర’. ఈ చిత్రం సెట్స్ నుంచి కొత్త చిత్రాన్ని దేవర అధికారిక ఎక్స్ (ట్విటర్) హ్యాండిల్ శుక్రవారం పంచుకుంది. ఇటీవల హైదరాబాద్ లో షూటింగ్ ను కంప్లీట్ చేసుకున్న ‘దేవర’ టీం. తర్వాతి షెడ్యూల్ కోసం గోవా వెళ్లింది. వేసవి మొదలైంది కాబట్టి హైదరాబాద్ లో హీట్ పెరుగుతుంది. దీంతో ఇక్కడ షూటింగ్ సజావుగా సాగదు. దీన్ని దృష్టిలో పెట్టుకున్న కొరటాల శివ తర్వాత షెడ్యూల్ షూటింగ్ ను గోవాలో ప్లాన్ చేశాడు. ప్రస్తుతం గోవాలోని ఓ బీచ్ లో ఓ పాటను చిత్రీకరిస్తున్న చిత్రబృందం పాటతో పాటు కీలక సన్నివేశాలను కూడా చిత్రీకరిస్తోంది.

కెమెరాకు దూరంగా చూస్తున్న ఈ క్యాండిడ్ షాట్ లో జూనియర్ ఎన్టీఆర్ మ్యాచోగా కనిపించాడు. ఈ ఫోటోతో పాటు సెట్స్ నుంచి లీకైన వీడియో కూడా సోషల్ మీడియాలో చక్కర్లు కొడుతోంది. మేకర్స్ విడుదల చేసిన ఫొటోలో ఎన్టీఆర్ ధరించిన కాస్ట్యూమ్ లోనే బీచ్ లో నడుస్తున్నట్లు ఓ అభిమాని ఈ వీడియోను షూట్ చేసినట్లు తెలుస్తోంది.

‘ఆర్ఆర్ఆర్’ తర్వాత రామ్ చరణ్, యంగ్ టైగర్ ఎన్టీఆర్ ఇద్దరికీ సంబంధించి ఏ సినిమా కూడా రిలీజ్ కాలేదు. ఎన్టీఆర్ దేవరపై ఆధారపడుతుండగా, రామ్ చరణ్ దర్శకుడు శంకర్ తో గేమ్ ఛేంజర్ అనే సినిమా చేస్తున్నాడు. దాదాపు చాలా వరకు పూర్తయింది. త్వరలో రిలీజ్ చేస్తామని శంకర్ తెలిపారు.

దేవర గురించి తెలుసుకుంటే రెండు భాగాలుగా రూపొందిన ఈ చిత్రానికి శ్రీమంతుడుతో సుపరిచితుడైన కొరటాల శివ దర్శకత్వం వహించారు. ఎన్టీఆర్ సరసన జాన్వీ కపూర్ కూడా ఈ సినిమాతో తెలుగు తెరకు పరిచయమవుతోంది. సైఫ్ అలీఖాన్, షైన్ టామ్ చాకో, మురళీశర్మ తదితరులు నటిస్తున్న ఈ చిత్రానికి అనిరుధ్ సంగీతం అందిస్తున్నారు. దేవర రెండు పార్టులుగా రాబోతోంది. పార్ట్ 1 2024, అక్టోబర్ 10న విడుదల కానుంది.