Under-19 Indian Team
Under-19 Indian Team : దక్షిణాఫ్రికాలో మన కుర్రాళ్ల జట్టు సంచలనాలు చేస్తోంది. అండర్ – 19 కుర్రాళ్లు అదరగొడుతున్నారు. క్రికెట్లో సంచలనాలు నమోదు చేస్తున్నారు. ఆడిన మ్యాచులన్ని గెలిచి కొత్త చరిత్రకు శ్రీకారం చుడుతున్నారు. అన్ని మ్యాచ్ ల్లో విజయం సాధిస్తున్నారు. సెలక్టర్ల నమ్మకాన్ని వమ్ము చేయడం లేదు. ఎంపిక చేసినందుకు వారి ఆశలకు అనుగుణంగా శ్రమిస్తున్నారు.
ఇప్పటికే ఆడిన నాలుగు మ్యాచ్ ల్లో 4 విజయాలు సాధించి సత్తా చాటారు. అన్ని రంగాల్లో ఆధిపత్యం చాటుతున్నారు. మూడింటిలో 200 పరుగుల తేడాతో గెలవడం అంటే మాటలు కాదు. అది వారి శక్తికే పరాకాష్టగా నిలుస్తోంది. చూడటానికి కుర్రాళ్లయినా తమ ఆటతీరుతో అందరిని ఆకట్టుకుంటున్నారు. విదేశాల్లో సైతం మనవారు రాణించడం చూస్తుంటే ముచ్చటేస్తోంది.
అండర్ -19 టోర్నీ చరిత్రలోనే ఈ ఘనత సాధించిన తొలి జట్టుకు చరిత్ర లిఖించింది. ఐర్లండ్ పై 201, యూఎస్ఏపై 201, కివీస్ పై 214 పరుగుల తేడాతో టీమిండియా విజయాలు నమోదు చేయడం గమనార్హం. ఇలా మన దేశ చరిత్రలోనే అండర్ -19 జట్టు ఇలాంటి గెలుపు సొంతం చేసుకోవడంతో ప్రేక్షులు ప్రశంసలు కురిపిస్తున్నారు. మనవారి ఘనతను పొగుడుతున్నారు.
సామాజిక మాధ్యమాల వేదికగా ప్రశంసల జల్లు కురిపిస్తున్నారు. కుర్రాళ్లు సాధించిన విజయాలు దేశానికి మంచి పేరు తీసుకొస్తాయని వ్యాఖ్యానిస్తున్నారు. భవిష్యత్ లో మరిన్ని విజయాలు నమోదు చేసి మన దేశ ఖ్యాతిని ఇనుమడింపజేయాలని ఆశిస్తున్నారు. అండర్ -19 జట్టు మన సత్తా చాటుతూ నిలవడం అందరిని ఆశ్చర్యానికి గురి చేస్తోంది.