Robin Hood : రాబిన్ హుడ్ కథాంశంతో ఇద్దరు తెలుగు అగ్ర హీరోలు.. అసలు ఏం జరుగుతోంది

Robin Hood Story : సినీ ఇండస్ట్రీలో బాలకృష్ణకు డిఫరెంట్ క్యారెక్టర్లు చేస్తాడని ఒక పేరు ఉంది. ముఖ్యంగా మాస్ క్యారెక్టర్లలో తాను జీవిస్తాడు. భైరవద్వీపం సినిమాలో బాలకృష్ణ చేసిన క్యారెక్టర్ తెలుగు ప్రేక్షకులకు ఎప్పటికీ గుర్తుండిపోతుంది. డిఫరెంట్ పాత్రలు చేస్తూ ఇటు మాస్ అటు తన ప్రత్యేకమైన శైలితో అభిమానులను సంపాదించుకున్నాడు.

బాలకృష్ణకు రెండు తెలుగు రాష్ట్రాల్లో  విపరీతమైన ఫ్యాన్ ఫాలోయింగ్ ఉంది. బాలకృష్ణ కొత్తగా ప్రస్తుతం బాబి డైరెక్షన్ లో ఒక సినిమా చేస్తున్నారు. ఈ సినిమా కోసం బాలకృష్ణ చాలా కష్టపడుతున్నట్లు ఫిలిం ఇండస్ట్రీలో వార్తలు వినిపిస్తున్నాయి. అయితే బాలకృష్ణ ఈ సినిమాలో రాబిన్ హుడ్ కథాంశం తో వచ్చే కొన్ని సీన్లను రాజస్థాన్లో తెరకెక్కిస్తున్నట్లు ప్రచారం జోరుగా సాగుతోంది.

అయితే ఇక్కడే అసలు సమస్య మొదలైంది. ఇదే తెలుగు ఇండస్ట్రీలో యంగ్ హీరో నితిన్ కూడా రాబిన్ హుడ్ కథాంశంతో సినిమాను తీస్తున్న విషయం తెలిసిందే. అయితే నితిన్ తీస్తున్న సినిమాలో రాబిన్ హుడ్ కథాంశం ఉందని గతం నుంచి తెలిసినప్పటికీ బాలకృష్ణ తీస్తున్నటువంటి ఈ సినిమాలో సడన్గా రాబిన్ హుడ్ సంబంధించిన పాత్ర ఉందని అది కూడా కాస్త 15 నుంచి 30 నిమిషాల వరకు ఉండే అవకాశం ఉందని తెలియడంతో నితిన్ సినిమాను తీస్తున్న డైరెక్టర్ వెంకీ కుడుములతో పాటు అందరూ ఒక్కసారిగా షాక్ కు గురయ్యారు.

అయితే ఒకే అంశంపై సినిమాలు తీసే విషయంలో ఏ మాత్రం తేడా వచ్చినా ఆ సినిమా ఫెయిల్ అయ్యే అవకాశం ఉంది. కొత్తదనం లోపించిన అదే రీతిలో సీన్స్ సాగినా కూడా ప్రేక్షకులు ఏమాత్రం హర్షించరు. కాబట్టి ఈ రెండు సినిమాలలో చాలా జాగ్రత్త వహించి ఎక్కడ కూడా తీసే సన్నివేశాలు సేమ్ గా ఉండకుండా  డైరెక్టర్ బాబి డైరెక్టర్ వెంకీ కుడుముల చూసుకోవాలని బాలకృష్ణ, నితిన్ అభిమానులు కోరుతున్నారు.