Saripodha Sanivaaram
Saripodha Sanivaaram : యంగ్ టైగర్ ఎన్టీఆర్ నటించిన ‘దేవర’ ఏప్రిల్ 5న వస్తుందని నందమూరి ఫ్యాన్స్ ఫిక్స్ అయ్యారు. కానీ పొలిటికల్ (ఎన్నికల) నేపథ్యంలో వాయిదా పడుతూ వస్తోందనే వార్త ఎక్కువగా వినిపిస్తోంది. దీనిపై మేకర్స్ నుంచి ఎలాంటి స్పష్టత రాలేదు. అయినా పోస్ట్ పోన్ అయ్యే అవకాశాలు ఎక్కువగా ఉన్నాయని తెలుస్తోంది. దీంతో.. విజయ్ దేవరకొండ నటించిన ‘ఫ్యామిలీ స్టార్’ రిలీజ్ అవుతోందని చెబుతున్నారు.
అయితే.. దేవర రూట్‌లోనే ఆగస్ట్ 15న రావాల్సిన పుష్ప2 వాయిదా పడుతుందని ప్రచారం జరిగింది. దీంతో పాటు పుష్పరాజ్ ప్లేస్‌లో దేవర వస్తున్నాడని వినిపించింది.. కానీ మైత్రీ మూవీ మేకర్స్ క్లియర్‌ కట్‌గా చెప్పేశారు. ఎట్టి పరిస్థితుల్లో ఆగస్ట్ 15వ తేదీ పుష్ప2 రిలీజ్ అవుతుందని క్లారిటీ ఇస్తున్నారు. అయినా పుష్ప2 వాయిదా అంటూ రూమర్స్ మాత్రం వారిని కలవర పెడుతూనే ఉన్నాయి.
ఎందుకంటే.. బాలీవుడ్‌లో ఇదే డేట్‌న అజయ్ దేవగన్ సినిమా సింగం రిలీజ్ అవుతోంది. సింగం-పుష్ప2 క్లాష్ అయితే పుష్పకు నార్త్‌లో థియేటర్స్ ఇష్యూ అయ్యే అవకాశం ఉంది. ఈ పాయింట్‌ కన్సిడర్ చేసి పుష్ప2 వెనక్కి వెళ్తే ఆ డేట్‌కి దేవర కాకుండా.. నాని వచ్చే అవకాశం ఉంది.
ప్రస్తుతం నాని నటిస్తున్న ‘సరిపోదా శనివారం’ రిలీజ్ డేట్‌ను ఆగస్ట్ 15కు లాక్ చేసే ఆలోచనలో మేకర్స్ ఉన్నట్లు టాక్. లేదు పుష్పరాజ్ అనుకున్న సమయానికే వస్తే మాత్రం.. ఆగస్ట్ 29న సరిపోదా శనివారం రిలీజ్ చేయాలని అనుకుంటున్నారట. ప్రస్తుతానికి సరిపోదా శనివారం మేకర్స్ ఈ రెండు డేట్స్‌ను ఆప్షన్‌గా పెట్టుకొని ఒకటి ఫైనల్ చేయాలని చూస్తున్నారట. త్వరలోనే ఒక క్లారిటీ వచ్చే ఛాన్స్ ఉంది.