TV Actor Chandrakanth
TV Actor Chandrakanth : టీవీ సీరియల్ నటుడు చంద్రకాంత్ అలియాస్ చందు శుక్రవారం సాయంత్రం ఆయన నివాసంలో సూసైడ్ చేసుకుని చనిపోయాడు. త్రినయిని ఫేమ్ పవిత్ర జయరాం చనిపోయిన విషయం మరిచిపోక ముందే చందు ఆత్మహత్య కలకలం రేపుతోంది. పవిత్ర జయరాంతో చందుకు వివాహేతర సంబంధం ఉన్నట్లు పుకార్లు వచ్చాయి.
పవిత్ర జయరాం మహబూబ్ నగర్ లో ఓ యాక్సిడెంట్ లో చనిపోయిన విషయం తెలిసిందే. ఇప్పుడు చందు సూసైడ్ కూడా కలకలం రేపుతోంది. రంగారెడ్డి జిల్లా నార్సింగి పోలీస్ స్టేషన్ పరిధిలోని తన ఇంటి లోనే సూసైడ్ చేసుకుని చందు చనిపోయాడు. దీనిపై పోలీసులు కుటుంబసభ్యులు, బంధువులను ఆరా తీస్తున్నారు. చందు రాధమ్మ కూతరు, త్రినయిని, కార్తీక దీపం లాంటి సీరియల్స్ లో నటించి ఫేమస్ అయ్యారు. అయితే పవిత్ర జయరాంతో వివాహేతర సంబంధం ఉన్నట్లు రూమర్స్ వచ్చాయి. అయితే చందు సూసైడ్ పై ఇంకా వివరాలు తెలుసుకోవడానికి ప్రయత్నాలు చేస్తున్నారు.
ఇప్పటికే ఇలా చాలా మంది సీరియల్ నటులు సూసైడ్ చేసుకుని చనిపోయిన సంఘటనలు ఉన్నాయి. ఆర్థికపరమైన ఇబ్బందులు, తోటి నటీనటులతో వివాహేతర సంబంధాలు పెట్టుకోవడం, స్థాయికి మించి ఖర్చులు చేయడం, ఆదాయం లేకపోవడం ఇలా అనేక కారణాలతో సూసైడ్ చేసుకుంటున్నారు. టీవీ సీరియల్స్ లో చాలా హుందాగా కనిపించే వీరి లైఫ్ లు నిజజీవితానికి వచ్చే సరికి దారుణంగా విఫలమవుతున్నాయి.
చందుకు పెళ్లై భార్య, ఇద్దరు పిల్లలు కూడా ఉన్నా.. అక్రమ సంబంధం వార్తలు రావడం చూస్తుంటే బుల్లితెర ఇండస్ట్రీ కూడా వెండితెరకు ఏం తక్కువ కాదన్న విమర్శలు వినిపిస్తున్నాయి. టీవీ సీరియల్స్ చేసే వారికి పారితోషాకాలు తక్కువగా నే ఉంటాయి. చాలా మంది వారికి సంబంధించిన వ్యక్తిగత లైఫ్ లో స్ట్రగుల్స్ పడుతుంటారు. కానీ వాటిని ఎలా అధిగమించాలో తెలుసుకోలేక చివరకు ప్రాణాలను పోగొట్టుకుంటారు. సూసైడ్ అనేది తప్పని తెలిసినా క్షణికావేశంలో ప్రాణాలు తీసుకుని జీవితాన్ని నాశనం చేసుకుంటున్నారు.