Srivani Dharshanam
Srivani : తిరుమల శ్రీవారి దర్శనానికి సంబంధించి భక్తులకు కీలక సమాచారం ఇచ్చింది. ఇకపై శ్రీవాణి దర్శనం టికెట్ల కోటాను ఆఫ్ లైన్ లో రోజుకు 1000కి పరిమితం చేసింది. తిరుమల శ్రీవారి దర్శనానికి పెరుగుతున్న భక్తలు రద్దీ దృష్ట్యా, సామాన్య భక్తులకు మరింత ప్రాధాన్యత పెంచేందుకు వీలుగా ఈ నిర్ణయం తీసుకున్నట్లు టీటీడీ వెల్లడించింది. జూలై 22వ తేదీ నుంచి శ్రీవాణి దర్శన టికెట్లను టీటీడీ రోజుకు 1,000కి పరిమితం చేస్తున్నట్లు పేర్కొంది. అందులో భాగంగా ఆన్ లైన్ లో 500 (ఇది వరకు ఉన్నట్లే), ఆఫ్ లైన్ లో మరో 1000 టికెట్లను మాత్రమే జారీ చేస్తారు.
వీటిలో తిరుమల గోకులం విశ్రాంతి భవనంలో 900 శ్రీవాణి టికెట్లను మొదట వచ్చిన వారికి మొదట ప్రాతిపదికగా జారీ చేస్తారు. మిగిలిన 100 టికెట్లను శ్రీవాణి దాతలకు విమానాశ్రయంలో కరెంట్ బుకింగ్ కౌంటర్ లో అందుబాటులో ఉంచుతామని టీటీడీ తెలిపింది. బోర్డింగ్ పాస్ ద్వారా తిరుపతి ఎయిర్ పోర్ట్ కౌంటర్ లో మాత్రమే ఈ ఆఫ్ లైన్ టిక్కెట్లు జారీ చేయనున్నట్లు పేర్కొంది. భక్తులు ఈ విషయాన్ని గమనించి సహకరించాలని విజ్ఞప్తి చేసింది.