TSRTC – TGSRTC : టీజీఎస్ ఆర్టీసీగా మారిన టీఎస్ ఆర్టీసీ

TSRTC to TGSRTC

TSRTC – TGSRTC : తెలంగాణలో ఆర్టీసీ అధికారులు ఈరోజు టీఎస్ ఆర్టీసీ పేరును టీజీఎస్ఆర్టీసీగా మార్చారు. ఈ మేరకు సంస్థ ఎండీ సజ్జనార్ ట్విట్టర్ లో వెల్లడించారు. అధికారిక ట్వట్టర్ అకౌంట్లు కూడా tgsrtcmdoffice, @tgsrtchq లను సంస్థ మార్చింది.

రాష్ట్ర ప్రభుత్వం ఉత్తర్వుల మేరకు టీఎస్ ఆర్టీసీ పేరును టీజీఎస్ ఆర్టీసీగా మార్చడం జరిగిందని ఆర్టీసీ ఎండీ సజ్జనార్ తన ఎక్స్ ఖాతాలో తెలిపారు. ప్రయాణికులు, ప్రజలు తమ విలువైన సలహాలు, సూచనలతో పాటు ఏవైనా ఫిర్యాదులు ఉంటే మార్చిన ఖాతాల ద్వారా తమ దృష్టికి తీసుకురావాలని విజ్ఞప్తి చేశారు. తెలంగాణ ఆర్టీసీ అందిస్తూన్న సేవల గురించి తెలుసుకునేందుకు @tgsrtcmdoffice, @tgsrtchq అనే ఎక్స్ ఖాతాలను ఫాలో అవ్వాలని ఆయన విజ్ఞప్తి చేశారు.

తెలంగాణలో కాంగ్రెస్ ప్రభుత్వం అధికారంలోకి వచ్చిన తర్వాత పాలనలో పలు కీలక మార్పులు చేస్తోన్న సంగతి తెలిసిందే. ఈ క్రమంలోనే తెలంగాణ స్టేట్ (TS) ను తెలంగాణ (TG) గా మారుస్తూ ప్రభుత్వం నిర్ణయం తీసుకుంది. దీంతో ఆర్టీసీ అధికారులు మార్పులు చేస్తున్నారు.