Naveen Polishetty
Naveen Polishetty : నవీన్ పొలిశెట్టికి యూత్ లో మంచి ఫాలోయింగ్ ఉంది. గతంలో స్టాండప్ కమెడియన్ గా పనిచేసిన నవీన్ సినిమా హీరోగా రాణిస్తున్నాడు. జాతిరత్నాలు వంటి బ్లాక్ బస్టర్ హిట్ తో అందరినీ ఆకట్టుకున్నాడు నవీన్. అతడి డైలాగ్ డెలివరీ, కామెడీ అదుర్స్ అని చెప్పవచ్చు. అయితే ఈ యంగ్ హీరో ఆ మధ్య రోడ్డు ప్రమాదానికి గురైన విషయం తెలిసిందే. అమెరికాలో అతడు ప్రయాణిస్తున్న బైక్ అదుపుతప్పి కిందపడటంతో ఆయనకు చేతికి, కాలికి తీవ్రంగా గాయాలయ్యాయి. అయితే.. ఈ ప్రమాదం మార్చిలో జరుగగా.. తాజాగా అయన ఆరోగ్యపరిస్థితిపై సోషల్ మీడియాలో పోస్ట్ పెట్టారు నవీన్.
‘‘ప్రస్తుతం నేను బాగానే ఉన్నాను. కానీ, దురదృష్టవశాస్తూ నా చేతికి చాలా ఫ్యాక్చర్స్ అయ్యాయి. కాలికి కూడా. ఇది చాలా బాధాకరంగా ఉంది. కానీ, త్వరగా కోలుకోవడానికి ట్రై చేస్తున్నాను. మీరు నాపై చూపిస్తున్న ప్రేమే అన్నిటికన్నా పెద్ద ఔషధం. త్వరలోనే తెరమీదకి వచ్చి మిమ్మల్నందరినీ అలరిస్తాను.. ’’అంటూ రాసుకొచ్చాడు నవీన్. ప్రస్తుతం ఆయన చేసిన ఈ పోస్ట్ సోషల్ మీడియాలో వైరల్ గా మారింది.
ఇక నవీన్ చేసిన పోస్ట్ చూసి నెటిజన్స్ రియాక్ట్ అవుతున్నారు.. నవీన్ అన్నా నువ్వు త్వరగా కోలుకోవాలి.. గెట్ విల్ సూన్ అన్నా.. అంటూ కామెంట్స్ చేస్తున్నారు. ఇక నవీన్ పొలిశెట్టి సినిమాల విషయానికి వస్తే.. ఇటీవల మిస్ శెట్టి మిస్టర్ పొలిశెట్టి సినిమాతో ప్రేక్షకుల ముందుకు వచ్చిన నవీన్ సూపర్ హిట్ ను తన ఖాతాలో వేసుకున్నాడు. ఇక ప్రస్తతం ఆయన అనగనగా ఒకరాజు సినిమా చేస్తున్నాడు. దర్శకుడు కళ్యాణ్ శంకర్ తెరకెక్కిస్తున్న ఈ సినిమాలో యంగ్ బ్యూటీ శ్రీలీల హీరోయిన్ గా నటిస్తోంది.