Trump : పుతిన్ కు ట్రంప్ ఫోన్.. ఉక్రెయిన్ యుద్ధంపై చర్చ

Trump : అమెరికా అధ్యక్ష ఎన్నికల్లో ఘన విజయం సాధించిన రిపబ్లికన్ పార్టీ నేత డొనాల్డ్ ట్రంప్ అధ్యక్ష బాధ్యతలు చేపట్టేందుకు సిద్ధమవుతున్నారు. ఈ క్రమంలోనే ఫలితాల అనంతరం పలువురు దేశాధినేతలతో ఆయన ముచ్చటించారు. ఈ క్రమంలోనే రష్యా అధ్యక్షుడు వ్లాదిమిర్ పుతిన్ తో మాట్లాడిన ట్రంప్, ఉక్రెయిన్ యుద్ధాన్ని విస్తరించొద్దని కోరినట్లు సమాచారం. ఈ మేరకు వాషింగ్టన్ పోస్టు కథనం వెలువరించింది.

గత గురువారం ఫ్లోరిడాలోని తన ఎస్టేట్ నుంచి ట్రంప్.. పుతిన్ తో ఫోన్ లో మాట్లాడినట్లు ఆ కథనం పేర్కొంది. ఐరోపాలో అమెరికా మోహరించిన సైనిక సంపత్తి స్థాయిని ట్రంప్ ఈ సందర్భంగా గుర్తు చేసినట్లు పేర్కొంది. అలాగే, ఉక్రెయిన్ యుద్ధంపై పరస్పరం చర్చించి ఓ పరిష్కారాన్ని కనుగొందామని రష్యా అధినేతకు సూచించినట్లు తెలిపింది.