Trisha:బాలీవుడ్ టాలెంటెడ్ స్టార్ ర‌ణ్‌బీర్ క‌పూర్ హీరోగా న‌టించిన ఎమోష‌న‌ల్ యాక్ష‌న్ డ్రామా `యానిమల్`. సందీప్ రెడ్డి వంగ ద‌ర్శ‌క‌త్వం వ‌హించారు. టి సిరీస్‌తో క‌లిసి సందీప్ రెడ్డి వంగ సోద‌రుడు ప్ర‌ణ‌య్ వంగ ఈ చిత్రాన్ని దాదాపు రూ.200 కోట్ల భారీ బ‌డ్జెట్‌తో నిర్మించారు. నేష‌న‌ల్ క్ర‌ష్ ర‌ష్మిక మంద‌న్న హీరోయిన్‌గా న‌టించిన ఈ సినిమా భారీ అంచ‌నాల మ‌ధ్య డిసెబ‌ర్ 1న భారీ స్థాయిలో విడుద‌లై సంచ‌న విజ‌యాన్ని సొంతం చేసుకుంది.
ర‌ణ్‌బీర్ క‌పూర్ న‌ట‌న, సందీప్ రెడ్డి వంగ టేకింగ్ సినిమాని దేశ వ్యాప్తంగా హాట్ టాపిక్‌గా నిలిచేలా చేసింది. ఇప్ప‌టికే వ‌ర‌ల్డ్ వైడ్‌గా రూ.356 కోట్లు రాబ‌ట్టి ర‌ణ్ బీర్ కెరీర్ లోనే స‌రికొత్త సంచ‌ల‌నాలు సృష్టిస్తోంది. ఓవ‌ర్సీస్‌లో ఇప్ప‌టి వ‌రకు రికార్డు స్థాయి వ‌సూళ్ల‌ని ద‌క్కించుకుని ట్రేడ్ వ‌ర్గాల‌ని విస్మ‌యానికి గురి చేసింది. ప్ర‌పంచ వ్యాప్తంగా బాక్సాఫీస్ వ‌ద్ద వ‌సూళ్ల వ‌ర్షం కురిపిస్తూ హాట్ టాపిక్‌గా మారింది.
ఇదిలా ఉంటే ఈ సినిమాపై త్రిష పోస్ట్ పెట్ట‌డంతో ఆమెని నెటిజ‌న్‌లు ట్రోల్ చేస్తున్నారు. త్రిష‌ని నెటిజ‌న్‌లు టార్గెట్ చేయ‌డానికి గ‌ల కార‌ణం ఏంటీ అని ఆరా తీస్తే ఆస‌క్తిక‌ర‌మైన విష‌యం తెలిసింది. ప్ర‌పంచ వ్యాప్తంగా క‌ల్ట్ క్లాసిక్ గా పేరు తెచ్చుకున్న `యానిమల్` మూవీపై త‌న అభిప్రాయాన్ని తెలియ‌జేస్తూ త్రిష సోష‌ల్ మీడియా వేదిక‌గా ఆస‌క్తిక‌ర‌మైన పోస్ట్‌ని షేర్ చేశారు. `యానిమల్` మూవీ పోస్ట‌ర్ షేర్ చేస్తూ `క‌ల్ట్ మూవీ` అని త‌న ఇన్ స్టా స్టోరీస్‌లో రాసుకొచ్చారు.
దీనిపై ప‌లువురు నెటిజ‌న్‌లు అస‌హ‌నం వ్య‌క్తం చేశారు. ఇటీవ‌ల న‌టుడు మ‌న్సూర్ అలీఖాన్ త‌న‌ని విమ‌ర్శించ‌డం ప‌ట్ల కామెంట్ చేసిన త్రిష ఇప్పుడు మ‌హిళ‌ల‌ని త‌క్కువ చేసి చూపించే ఇలాంటి సినిమాకు స‌పోర్ట్ చేయ‌డం ఏంటీ? అంటూ మండిప‌డ్డారు. దీంతో విష‌యం దారి త‌ప్పుతోంద‌ని గ్ర‌హించిన త్రిష వెంట‌నే త‌న ఇన్ స్టా స్టోరీస్ నుంచి యానిమల్ పోస్ట్ ని తొల‌గించారు.