Trisha
Trisha : సౌత్ లో స్టార్ హీరోయిన్ త్రిష. ప్రస్తుతం ఆమెకు ఇండియన్ ఫిల్మ్ ఇండస్ట్రీలో మంచి మార్కెట్ ఉంది. ఎక్కువ రెమ్యునరేషన్ తీసుకుంటున్న వారిలో త్రిష ఫస్ట్ ప్లేస్ లో ఉంది. ఇటీవల ఆమె ఒక వెబ్ సిరీస్ లో నటించింది. ఇది ఆమెకు మొదటి వెబ్ సిరీస్. ఇది భారీగా సక్సెస్ కావడంతో త్రిషకు మరింత హైప్ పెరిగింది. ప్రస్తుతం ఆమె మెగాస్టార్ తో కలిసి ‘విశ్వంభర’ చేస్తుంది. దీంతో పాటు భారీ భారీ ప్రాజెక్టులను చేస్తోంది. ఇటీవల ఆమె ఒక హీరో కోసం ఒక పని చేసిందట.. అయితే ఇది ఆమె కెరీర్ ను దెబ్బతీయవచ్చు అని చాలా మంది అనుకుంటున్నారు. కానీ వాటిని ఆమె పట్టించుకోవడం లేదట.
నయనతార, కాజల్, సమంత, పూజా హెగ్డే, తమన్నా, శృతిహాసన్ తదితరులు 2000, 2010 దశకాల్లో స్పెషల్ సాంగ్స్ చేశారు. వీరే కాకుండా దాదాపు సౌత్ లో ఉన్న వారంతా ఏదో ఒక సినిమాలో స్పెషల్ సాంగ్ లో కనిపించారు. అయితే, త్రిష ఇప్పటి వరకు స్పెషల్ సాంగ్ చేయలేదు. ప్రత్యేకమైన వ్యక్తికి మినహాయింపు ఇచ్చేందుకు రెడీ అయినట్లు తెలుస్తోంది.
దళపతి విజయ్ హీరోగా వెంకట్ ప్రభు దర్శకత్వంలో తెరకెక్కిన ‘ది గోట్’ చిత్రం సెప్టెంబర్ 5న విడుదల కానుంది. విడుదలకు కొన్ని రోజులే మిగిలి ఉండడంతో దర్శకుడు వెంకట్ ప్రభు సినిమాను ప్రమోట్ చేయడం మొదలుపెట్టారు. ఇంటర్వ్యూలు, ప్రైవేట్ కార్యక్రమాల కోసం ఇటీవల మలేషియా వెళ్లిన ఆయన అక్కడ ఈ చిత్రంలోని తదుపరి పాట గురించి పంచుకున్నారు.
ఈ పాట స్పెషల్ గా ఉంటుందని, ఇందులో త్రిష, విజయ్ నటించే అవకాశం ఉందని అన్నారు. ఇటీవల త్రిష, విజయ్ రిలేషన్ షిప్ లో ఉన్నారని చాలా పుకార్లు వచ్చాయి. వీరిద్దరూ కలిసి ప్రైవేట్ గా గడిపిన ఫొటోలు సోషల్ మీడియాలో చక్కర్లు కొడుతున్నాయి. విజయ్ తో ఉన్న సన్నిహిత ‘స్నేహం’ కారణంగానే త్రిష ‘నో స్పెషల్ సాంగ్’ రూల్ ను బ్రేక్ చేసిందని భావిస్తున్నారు.
ఇప్పటి వరకు మూడు పాటలు రిలీజ్ కాగా.. విజయ్ ఫ్యాన్స్ కు కూడా అవి నచ్చలేదు. ఇప్పుడు త్రిషతో స్పెషల్ సాంగ్ అనౌన్స్ తో విజయ్ ఫ్యాన్స్ లో కొంత ఉత్సాహం వచ్చింది. త్రిష, విజయ్ నటించిన ఈ స్పెషల్ సాంగ్ చార్ట్ బస్టర్ అవుతుందని ఆశాభావం వ్యక్తం చేశారు.