Jr NTR-Kalyan Ram Tribute to Sr. NTR
Jr NTR-Kalyan Ram : విశ్వ విఖ్యాత నట సౌర్వ భౌముడు, శక పురుషుడు శ్రీనందమూరి తారక రామారావు జయంతిని రెండు తెలుగు రాష్ట్రాల ప్రజలు నిర్వహించుకున్నారు. ఆ మహోన్నతమైన వ్యక్తిని స్మరించుకునేందుకు జయంతి, వర్ధంతి రెండు రోజులు సరిపోవని ప్రముఖులు తమ ప్రసంగాల్లో వివరించారు. తెలుగు భాష గొప్పతనం, తెలుగు విశిష్టతను విదేశాలకు సైతం చాటిన ఘనుడు మన నందమూరి రాముడు అంటూ కీర్తించారు.
ఈ రోజు (మే 28) నందమూరి తారక రామారావు జయంతి సందర్భంగా ఆయన విగ్రహాలు, చిత్ర పటాల వద్ద నివాళులర్పించారు. ఆయన తెలుగు జాతికి చేసిన సేవలను కొనియాడారు. ఇలాంటి పురుషుడు శకానికి ఒకరు పుడతారని, మనం ఆయనను చూసే భాగ్యం కలిగిందని ఆనంద పడాలన్నారు. ఇప్పటికీ రాముడు, కృష్ణుడు అంటే మొదలు గుర్తుకు వచ్చే మొహం అన్నగారిదే.
తెలుగుదేశం పార్టీని ఏర్పాటు చేసి అందరి నోట అన్నగారు అని పిలిపించుకున్న ఘనుడు నందమూరి తారక రామారావు అని గుర్తు చేసుకున్నారు. ఆయనను, ఆయన సినిమాలను చూసి పెరిగిన మనం ధన్యులమయ్యామని అన్నారు.
హైదరాబాద్ లోని వివిధ ప్రదేశాలు, తెలుగుదేశం పార్టీ కార్యాలయాల్లో నందమూరి సంస్మరణ సభలు నిర్వహించనున్నారు. ఆయన కొడుకు బాలకృష్ణ, తెలుగుదేశం పార్టీ నేతలు సహా వివిధ పార్టీల ప్రముఖులు ఈ సభల్లో పాల్గొని అన్నగారికి నివాళులర్పించారు.