Diwali Celebrations in Chicago: టీటీఏ ఆధ్వర్యంలో వైభవంగా దసరా, దీపావళి వేడుకలు

Diwali Celebrations in Chicago : అమెరికాలో దసరా, దీపావళి వేడుకలను ఆయా అసోసియేషన్ల ఆధ్వర్యంలో నిర్వహిస్తూ దేశ సంస్కృతిని దేశ, విదేశాల్లో చాటుతున్నారు తెలుగు వారు. ఇప్పటికే చాలా సంస్థలు, అసోసియేషన్లు ఎన్నో కార్యక్రమాలను రూపొందించగా.. ట్రై స్టేట్ తెలుగు ఆసోసియేషన్ (TTA) కూడా తమ పరిధిలో అతిపెద్ద ఈవెంట్ ను నిర్వహించింది.

నవంబర్ 11 (శనివారం) న ఘనంగా ‘దసరా-దీపావళి’ వేడుకలను నిర్వహించింది. స్థానిక హిందూ దేవాలయం టెంపుల్ ఆఫ్ లేక్ కౌంటీ ఆవరణలో అసోసియేషన్ అధ్యక్షుడు హేమచంద్ర వీరపల్లి అధ్యక్షతన నిర్వహించారు.

ప్రసాద్ మరువాడ, ప్రశాంతి తాడేపల్లి, హేమంత్ పప్పు, గుప్త నాగుబండి, అర్చన మిట్ట, సోమలత ఎనమందల ఏర్పాటు చేసిన ఈ వేడుకలు ఆద్యంతం వినోదంగా సాగాయి.

ఎనమందల సోమలత, హేమంత్ పప్పు ఆధ్వర్యంలో అలరించిన వేదిక ఆకట్టుకుంది. ఆకట్టుకునే తెలుగులో విద్య మరువాడ యాంకర్ గా వ్యవహరించిన తీరు కార్యక్రమాన్ని మరింత అందంగా చూపించింది.

శ్రీనాథ్ వాసిరెడ్డి, జగదీష్ కానూరు, వీరాస్వామి అచంట, దిలీప్ రాయలపూడి, రామకృష్ణ కొర్రపోలు, భాను సిరమ్, రవి వేమూరి, గుప్త నాగుబండి, అపర్ణ అయ్యలరాజు తోడ్పాటును అందించారు. ఈ ఈవెంటగ్ లో ఏర్పాటు చేసిన సంగీత, డాన్స్ పోటీలు అలరించాయి.

TANA సభ్యులు కానూరు హేమ, చెరుకూరి హనుమంతు, కాకర రవి, సందీప్, చిరు గుళ్ల హాజరయ్యారు. కార్యక్రమంలో పాల్గొన్న వారికి పార్టిసిపెంట్ సర్టిఫికెట్ ను బహూకరించి కార్యక్రమం ఏర్పాటుపై ప్రసంగించారు.

ఇలాంటి కార్యక్రమాలు నిర్వహిస్తూ దేశ సంస్కృతిని, ఔనత్యాన్ని చాటాలని పిలుపునిచ్చారు.

వలంటీర్స్ తాడేపల్లి రామకృష్ణ, వీరపల్లి లీల ప్రసాద్, యనమదల మిథున్, యనమందల నవీన్ ఈ కార్యక్రమం సక్సెస్ అయ్యేందుకు సహకరించారు.