Game Changer
Game Changer : హిరో రామ్ చరణ్, డైరెక్టర్ శంకర్ కాంబినేషన్ లో భారీ బడ్జెట్ తో రూపొందుతున్న మూవీ గేమ్ ఛేంజర్. ఈ సినిమా రిలీజ్ డేట్ ఎప్పుడా అని రామ్ చరణ్, మెగా అభిమానులు ఎదురుచూస్తుండగా.. నిర్మాత దిల్ రాజ్ రిలీజ్ డేట్ ను అనౌన్స్ చేశారు. మొన్నటి వరకు ఈ సినిమా దసరా, దీపావళికి వస్తుందని అందరూ అంచనా వేశారు. కానీ దిల్ రాజు క్రిస్మస్ కు గేమ్ ఛేంజర్ ను విడుదల చేయనున్నట్లు ప్రకటించి షాక్ ఇచ్చారు.
డిసెంబర్ లోనే పాన్ ఇండియా తెలుగు మూవీ పుష్ఫ 2 కూడా రిలీజ్ కాబోతుంది. అమీర్ ఖాన్ నటించి సూపర్ హిట్ అయినా మూవీ సితారే జమీన్ పర్ సీక్వెల్ కూడా డిసెంబర్ లోనే విడుదల కానున్నట్లు సమాచారం. దీంతో అటు నార్త్ ఇండియాలో అమీర్ ఖాన్ మూవీ అంటే అందరికీ ఎంతో ఇష్టం. కనీసం పది రోజులైనా భారీ కలెక్షన్లు రాబట్టేందుకు ప్రయత్నిస్తారు. మరో వైపు పుష్ఫ 2 మూవీ కోసం అందరూ వెయిట్ చేస్తున్నారు. ఈ సినిమా కూడా గేమ్ ఛేంజర్ కు పోటీ ఇవ్వడం ఖాయం.
అమీర్ ఖాన్ క్రేజ్ వల్ల బాలీవుడ్ లో ఆయన సినిమానే ఎక్కువ మంది చూసే అవకాశం ఉంటుంది. గేమ్ ఛేంజర్ గనక ఈ సమయంలో విడుదల అయితే మాత్రం కచ్చితంగా ప్రాబ్లమ్స్ వస్తాయి. మరి దీని గురించి నిర్మాత దిల్ రాజు ఎలాంటి ఫ్లాన్స్ వేస్తాడోననే సందేహం అందరిలో నెలకొంది. దీంతో గేమ్ ఛేంజర్ రిలీజ్ గురించి అంతటా సర్వత్రా చర్చ నడుస్తోంది.
రామ్ చరణ్ గేమ్ ఛేంజర్ మూవీని నెక్ట్స్ ఇయర్ కు వాయిదా వేస్తేనే బాగుంటుందని మెగా అభిమానులు కోరుతున్నట్లు సమాచారం. భారీ బడ్జెట్ సినిమాలు ఒకే సారి పోటీ పడితే చివరకు నష్టం ఎవరికైనా కలగొచ్చు. ఒకే సినిమా రిలీజ్ ఉంటే కచ్చితంగా తప్పకుండా చూస్తారు. విజయవంతం చేస్తారని సలహాలు ఇస్తున్నారు. మరి దీని విషయంలో దిల్ రాజు, డైరెక్టర్ శంకర్ ఎలా స్పందిస్తారో చూడాలి.