Kalki 2898 AD : రేపే భారీ ఈవెంట్.. తొలిసారి మీడియా ముందుకు కల్కి

Kalki 2898 AD

Kalki 2898 AD : పాన్ ఇండియా హీరో ప్రభాస్ నటిస్తున్న తాజా చిత్రం కల్కి. ఈ సినిమా కోసం అభిమానులు, ప్రేక్షకులు ఎంతగానో ఎదురుచూస్తున్న సంగతి తెలిసిందే. భారీ బడ్జెట్ తో, భారీ కాస్ట్ తో హాలీవుడ్ రేంజ్ లో సంచలన దర్శకుడు నాగ్ అశ్విన్ తెరకెక్కుతున్న ఈ ‘కల్కి 2898AD’ సినిమా జూన్ 27న రిలీజ్ కాబోతున్నట్టు మూవీ యూనిట్ ప్రకటించింది. ఇప్పటికే కల్కి సినిమా నుంచి వచ్చిన గ్లింప్స్, పోస్టర్స్, స్క్రాచ్ వీడియోలతో సినిమాపై భారీ అంచనాలు ఉన్నాయి.  ఇటీవల కల్కి సినిమా నుంచి ప్రభాస్ బుజ్జిని రిలీజ్ చేస్తామని ప్రకటించి ఓ రోబో ఉన్న వీడియో విడుదల చేశారు. ఓ చిన్ని రోబోకి.. మహానటి కీర్తి సురేష్ వాయిస్ ఓవర్ ఇవ్వగా.. ఆ వీడియో తెగ వైరల్ అయింది. అసలు కల్కి సినిమాలో భైరవ(ప్రభాస్ పాత్ర పేరు) బుజ్జి ఎవరో మే 22న చెప్తామని మూవీ యూనిట్ ప్రకటించింది.  

తాజాగా దీనికి సంబంధించి ఓ అఫీషియల్ అనౌన్స్ మెంట్ కూడా చేశారు. రేపు మే 22న హైదరాబాద్ రామోజీ ఫిలింసిటీలో సాయంత్రం 5 గంటల నుండి భారీ వేడుకను నిర్వహించబోతుంది కల్కి టీం. ఇప్పటికే అక్కడ స్టేజి సెట్టింగ్ కూడా పూర్తయినట్లు తెలుస్తుంది. ఈ వేడుకలో బుజ్జి పాత్రని పరిచయం చేయబోతున్నారు. బుజ్జి అంటే సినిమాలో ప్రభాస్ పాత్ర వాడే వెహికల్ అని తెలుస్తుంది.  రేపు రామోజీ ఫిలింసిటీకి ప్రభాస్ అభిమానులు భారీగా వెళ్లనున్నారు. కల్కి సినిమా మొదలు పెట్టినప్పటినుంచి ఇండియాలో చేసే మొదటి ఈవెంట్ ఇదే కావడంతో భారీ అంచనాలు నెలకొన్నాయి. ప్రభాస్ ఈ ఈవెంట్ కి హాజరవుతుండటంతో పబ్లిక్ లో  ప్రభాస్ ని చాలా రోజుల తర్వాత చూడబోతున్నామన్న ఉత్సాహం అభిమానుల్లో నెలకొంది.   క‌ల్కి  ఈవెంట్ కు దాదాపు  50 వేల మంది ప్రభాస్ ఫ్యాన్స్ హాజరు కానున్నట్లు తెలుస్తోంది.  దేశ వ్యాప్తంగా ఉన్న ప్రధాన మీడియా ప్రతినిధులు సైతం  హాజ‌రు కాబోతున్నారు. ఇక కల్కి సినిమాలో ప్రభాస్ తో పాటు అమితాబ్ బచ్చన్, కమల్ హాసన్, దీపికా పదుకోన్, దిశా పటాని నటిస్తున్నారు.  దాదాపు రూ.400 కోట్ల భారీ బడ్జెట్ తో ఈ సినిమా తెరకెక్కుతుంది.