Tollywood star heroine turned into a bar dancer
Star Heroine : తెలుగు అమ్మాయిగా ‘గూడచారి’ అనే సినిమా ద్వారా ఇండస్ట్రీ లోకి అడుగుపెట్టిన శోభిత దూళిపాళ్ల, పాపం కేవలం అడవి శేష్ సినిమాల్లో హీరోయిన్ గా మాత్రమే టాలీవుడ్ లో స్థిరపడిపోయింది. కుర్రాళ్లు చూపులు తిప్పుకోలేని అందం, అద్భుతమైన నటన ఉన్నప్పటికీ కూడా, ఎందుకు టాలీవుడ్ దర్శక నిర్మాతలు ఈమెకి హీరోయిన్ గా అవకాశాలు ఇవ్వలేదో అర్థం కాదు. టాలీవుడ్ ఈమె టాలెంట్ ని గుర్తించకపోయినా, బాలీవుడ్ మాత్రం బాగా గుర్తించింది.
అక్కడ రీసెంట్ గా ఈమెకి అవకాశాలు వెల్లువలాగా కురుస్తున్నాయి. సినిమాలతో పాటుగా వెబ్ సిరీస్ లలో కూడా శోభితా దూళిపాళ్ల డేట్స్ కోసం క్యూలు కడుతున్నారు బాలీవుడ్ దర్శక నిర్మాతలు. ఒక తెలుగు అమ్మాయిని తెలుగు డైరెక్టర్స్ గుర్తించకపోయినా, కనీసం ఇతర ఇండస్ట్రీ కి చెందిన వాళ్ళైనా గుర్తించినందుకు ధన్యవాదాలు అంటూ శోభితా దూళిపాళ్ల ని అభిమానించేవారు కామెంట్స్ చేస్తున్నారు. ఇకపోతే రీసెంట్ గా ఈమె ‘మంకీ మ్యాన్’ అనే బాలీవుడ్ సినిమాలో నటించింది.
ఫుల్ యాక్షన్ డ్రామాగా తెరకెక్కిన ఈ సినిమాకి దేవ్ పాటిల్ దర్శకత్వం వహించాడు. ఈ సినిమాకి సంబంధించిన ట్రైలర్ ని రీసెంట్ గానే విడుదల చెయ్యగా దీనికి ఆడియన్స్ నుండి మంచి రెస్పాన్స్ వచ్చింది. ‘నా చిన్నతనం మా అమ్మ నాకు ఒక కథ చెప్పేది’ అంటూ ప్రారంభం అయ్యే ఈ ట్రైలర్ ని చూసినప్పుడు ఒక డిఫరెంట్ కథాంశం ని యాక్షన్ జోడించి డైరెక్టర్ చాలా కొత్తగా ప్రయత్నం చేసాడు అనే అనుభూతి కలిగింది. ఈ సినిమాకి దేవ్ పటేల్ దర్శకత్వం వహించడమే కాకుండా, హీరో గా కూడా నటించాడు.
పెద్ద సిటీస్ లలో పేద వాళ్ళను ఎవ్వరూ గుర్తించారని, అలాంటి వారికి గుర్తింపు తెచ్చేవాడిగా దేవ్ పటేల్ ఈ సినిమాలో కనిపిస్తాడు. ఇందులో ఆయన వెయిటర్ రోల్ లో కనిపించగా, శోభితా దూళిపాళ్ల బార్ డ్యాన్సర్ గా కనిపించింది. మరోసారి ఆమె నటనకి ప్రాధాన్యం ఉన్న పాత్రలో నటించినట్టుగా తెలుస్తుంది. ఈ ట్రైలర్ లో ఆమె లుక్స్ కూడా చాలా హాట్ గా ఉన్నాయి. ఏప్రిల్ 5 వ తేదీన ఈ చిత్రం తెలుగు , హిందీ , తమిళ భాషల్లో గ్రాండ్ గా థియేటర్స్ లో విడుదల కాబోతుంది. మరి ఈ సినిమా శోభితా దూళిపాళ్ల కెరీర్ ని ఎలా మలుపు తిప్పుతుందో చూడాలి.