Tollywood star heroes : వెకేషన్ లో టాలీవుడ్ స్టార్ హీరోలు ఎంజాయ్.. ఎవరెవరు వెళ్లారంటే..?

Tollywood star heroes

Tollywood star heroes : నాలుగు రోజుల క్రితం టాలీవుడ్ స్టార్ హీరోలు మెగాస్టార్ చిరంజీవి, కింగ్ నాగార్జున, సూపర్ స్టార్ మహేష్ బాబు, మెగా పవర్ స్టార్ రామ్ చరణ్‌ల ఒకే ఫ్రేమ్‌లో కనిపించి ఫ్యాన్స్ ను ఖుషీ చేసిన విషయం తెలిసిందే. మాల్దీవుల్లో జరిగిన ఓ బర్త్ డే పార్టీలో వీరంతా కలుసుకున్నారు. అక్కడ ఇలా ఫోటోలకు ఫోజులలిచ్చారు. అయితే మన స్టార్ హీరోలు వెకేషన్‌ కు ఎక్కడికి వెళ్లారు ? అక్కడ ఏం చేశారు అనే అంశాలపై ఆయా హీరోల అభిమానులు చర్చించుకుంటుున్నారు.

తెలుగు చిత్ర పరిశ్రమలోని ప్రముఖులకు అత్యంత సన్నిహితుడైన ఓ బిజినెస్ మాగ్నెట్  తన 50వ పుట్టినరోజు వేడుకలను గ్రాండ్ గా సెలబ్రేట్ చేసుకున్నాడు. ఈ సెలబ్రేషన్స్ కు టాలీవుడ్ బిగ్ స్టార్ లను మాల్దీవులకు ఇన్వైట్ చేసి గ్రాండ్ గా పార్టీ ఇచ్చారు. సినీ హీరోలతో పాటు వారి కుటుంబాలను కూడా రప్పించి అందరికీ పార్టీ సెట్ చేశాడు. చిరు, నాగ్, మహేశ్, రామ్ చరణ్, అఖిల్, ఉపాసన, నమ్రత సహా పలువురు స్టార్లు  అందరూ కలిసి ఒకే చోట కనిపించడంతో ప్రేక్షకులు షాకయ్యారు. తర్వాత వివరాలు బయటకి రావడంతో తమ అభిమాన హీరోలను ఒకే ఫ్రేమ్‌లో చూసి మురిసిపోయారు.

ప్రస్తుతం కింగ్ నాగార్జున బిగ్‌బాస్ షూటింగ్‌లో బిజీగా ఉండగా.. మెగాస్టార్ చిరంజీవి విశ్వంభరలో, సూపర్ స్టార్   మహేశ్ బాబు త్వరలో మొదలుకానున్న రాజమౌళి సినిమా కోసం మేకోవర్ అవుతున్నాడు. శంకర్ దర్శకత్వంలో తెరకెక్కుతోన్న గేమ్ ఛేంజర్ ప్రమోషనల్ కార్యక్రమాల్లో గ్లోబల్ స్టార్ రామ్ చరణ్ యాక్టివ్ గా ఉన్నారు. ఇంతటి బిజీ షెడ్యూల్‌కి కాస్త విరామం కల్పించి మాల్దీవ్స్ లో వెకేషన్ కు వెళ్లారంటే ఇంతకీ ఆ బిజినెస్ టైకూన్ ఎవరు? ఎందుకు ఇంత గ్రాండ్ గా పార్టీ అరెంజ్ చేశారు? అంటూ సోషల్ మీడియా లో నెటిజన్లు కామెంట్లు పెడుతున్నారు.

ఇక మన స్టార్లు  ఉన్న హోటల్‌ , రిసార్ట్ గురించి ఓ న్యూస్ సోషల్ మీడియాలో చక్కర్లు కొడుతున్నది. నమ్రతా శిరోద్కర్, ఉపాసన బీచ్ ఒడ్డున ఫిమేల్ గెస్ట్‌లతో దిగిన ఫోటోలన ఆధారంగా అది మాల్దీవులలోని ఫారి ఐలాండ్స్‌గా అని తెలుస్తున్నది. వీరు స్టే చేసిన రిసార్ట్ పేరు పాటినా మాల్దీవ్స్ అని నెటిజన్లు పేర్కొంటున్నారు. మాల్దీవ్స్‌లో అత్యంత విలాసవంతమైన, ఖరీదైన రిసార్ట్స్‌లో ఈ పాటినా మాల్దీవ్స్ రిసార్ట్స్ కూడా ఒకటని నెటిజన్లు కామెంట్స్ చేస్తున్నారు.