Radhakrishna Murthy : టాలీవుడ్ ప్రముఖ నిర్మాత రాధాకృష్ణమూర్తి కన్నుమూత

Producer Radhakrishna Murthy : టాలీవుడ్ నిర్మాత జాగర్లమూడి రాధాకృష్ణమూర్తి (85) బాపట్ల జిల్లా కారంచేడులోని స్వగృహంలో కన్నుమూశారు. మొదట్లో సినిమాల్లో చిన్నచిన్న పాత్రలు పోషించిన ఆయన ఆ తర్వాత నిర్మాతగా మమారారు. ‘వియ్యాలవారి కయ్యాలు’, ‘ఒక దీపం వెలిగింది’, ‘శ్రీ వినాయక విజయం’, ‘ప్రతిబింబాలు’, ‘కోడళ్ళొస్తున్నారు జాగ్రత్త’ వంటి చిత్రాల్ని నిర్మించారు.

రంగస్థల కళాకారుడైన జాగర్లమూడి 1964లో ప్రముఖ నిర్మాత డి.రామానాయుడు పిలుపుతో రాముడు-భీముడు చిత్రంలో తొలిసారి నటించారు. పాండవ వనవాపం చిత్రంలో ఎన్టీఆర్ తో కలిసి ఆయన తనదైన నటనను ప్రదర్శించారు. 15 ఏళ్ల పాటు నటుడిగా పలు వేషాలతో మెప్పించారు. ఆ తర్వాత ఆయన నిర్మాతగా మారి పలు చిత్రాలను నిర్మించారు.

నిర్మాత జాగర్లమూడి రాధాకృష్ణ మూర్తి మరణవార్త తెలిసిన చలనచిత్ర నిర్మాతల మండలి.. సంతాపం వ్యక్తం చేసింది. ఆయన కుటుంబానికి ప్రగాఢ సానుభూతి తెలియజేస్తున్నట్లు తెలిపింది. రాధాకృష్ణ మూర్తికి భార్య, కుమారుడు, కుమార్తె ఉన్నారు.