Tollywood Directors : బాలీవుడ్ హీరోలకు దూరంగా ఉంటున్న టాలీవుడ్ డైరెక్టర్లు.. అసలు కారణం ఏంటి?

Tollywood directors staying away from Bollywood heroes

Tollywood Directors : టాలీవుడ్ ఇండస్ట్రీ అంటే ఇప్పుడు ప్రపంచానికి పరిచయం అవసరం లేదు. బాహుబలితో రాజమౌళి వరల్డ్ వైడ్ గా తెలుగు సినిమా ఇండస్ట్రీ సత్తా చాటాడు. ఆ తర్వాత సుకుమార్, సందీప్ రెడ్డి వంగ ఆయన తర్వాతి స్థానంలో ఉంటారు. వీరు తెలుగు సినిమాను పాన్ ఇండియా, పాన్ వరల్డ్ స్థాయికి తీసుకెళ్లారు.

ఈ టాప్ డైరెక్టర్లతో సినిమా చేసేందుకు బాలీవుడ్ హీరోలు సైతం ఇంట్రస్ట్ చూపుతున్నారు. బాలీవుడ్ హీరో రణ్ బీర్ కపూర్ తో సందీప్ రెడ్డి వంగ ‘యానిమల్’ తీసి బాలీవుడ్ కు భారీ బ్లాక్ బస్టర్ ఇచ్చాడు. దీంతో బాలీవుడ్ హీరోలు సందీప్ రెడ్డి వంగాతో సినిమా చేయాలని ఉవ్విళ్లూరుతున్నారు. ఆయన ప్రస్తుతం ప్రభాస్ తో స్పిరిట్ స్టార్ట్ చేశాడు. ఇది పూర్తి కాగానే అల్లు అర్జున్ తో సినిమా ఉంది.

ఈ క్రమంలో మన దర్శకులు బాలీవుడ్ హీరోలను ఎందుకు పట్టించుకోవడం లేదన్న ప్రశ్నలు వినిపిస్తున్నాయి. మన దగ్గరే స్టార్ హీరోలు ఉండగా బాలీవుడ్ హీరోలతో సినిమా చేయడం ఎందుకని అనుకుంటున్నారట. అందుకే రాజమౌళి, సుకుమార్ లాంటి స్టార్ డైరెక్టర్లు కూడా బాలీవుడ్ హీరోలతో సినిమా చేయడం లేదు. సందీప్ రెడ్డి వంగ యానిమల్ కోసం రణ్ బీర్ కపూర్ ను తీసుకున్నప్పటికీ అది మహేశ్ బాబు కోసం అనుకున్న కథ. ఆయన రిజెక్ట్ చేస్తే రణ్ బీర్ కపూర్ కు వచ్చింది.

ఒక వేళ మహేశ్ బాబు యానిమల్ కు కమిట్ అయితే రణ్ బీర్ కపూర్ సైడ్ అవ్వాల్సిందే. ఒకప్పుడు టాలీవుడ్ ను పట్టించుకోని బాలీవుడ్ హీరోలు ఇప్పుడు తెలుగు డైరెక్టర్ల కోసం ఎదురు చూడడం గ్రేట్ అనే చెప్పాలి.