Tollywood Celebrities : ఇన్ స్టాలో కూడా ఎడా పెడా సంపాదిస్తున్న టాలీవుడ్ సెలబ్రెటీలు? ఎవరు ఎంత సంపాదిస్తున్నారంటే?

Tollywood Celebrities Insta Earnings : ఒక్కసారి సెలబ్రెటీగా మారితే చాలు ధనలక్ష్మి వెంటనే ఉంటుంది. కోరుకున్న రంగంలో వ్యక్తి పడిన కష్టానికి డబ్బు తోడు కావాల్సిందే. రంగుల ప్రపంచంలో అయితే సెలబ్రెటీలు ఇటు పాత్రలతో కాకుండా ప్రైవేట్ గా కూడా ఎడా పెడా సంపాదిస్తారు. పైగా ఇదంతా వారికి అదనమే. నిత్యం ప్రజల్లో ఉంటేనే వారి గ్రాఫ్ తగ్గకుండా ఉంటుంది. వారికి దగ్గరగా ఉండేందుకు ఇన్ స్టా, ట్విటర్, ఫేస్ బుక్ లాంటి సోషల్ మీడియా ప్లాట్ ఫారాలను ఉపయోగించుకుంటున్నారు. అయితే ఇవి కూడా వారికి సంపాదనను ఆర్జించి పెడుతున్నాయి.

సోషల్ మీడియా విస్తృతంగా లేని కాలంలో తమ అభిమాన నటుల గురించి తెలుసుకోవాలంటే చాలా కష్టంగా మారేది. కానీ ఇప్పుడు సోషల్ మీడియా విస్తృత మైంది. దీంతో సెలబ్రెటీలు వారి ప్రైవేట్, పర్సనల్ లైఫ్ గురించి అభిమానులతో పంచుకుంటుంటారు. బేసిక్ గా వీరికి ఫాలోవర్స్ ఎక్కువగానే ఉంటారు కాబట్టి వీరు చేసే పోస్ట్ లకు లైకులు షేర్లు విపరీతంగా ఉంటాయి. వీరు వ్యక్తిగతమే కాకుండా కొన్ని బ్రాండ్లను కూడా సోషల్ మీడియాలో ప్రమోట్ చేస్తుంటారు.

ఈ విధంగా సెలబ్రెటీలు సోషల్ మీడియా వేదికగా ఒక్క పోస్ట్ చేస్తూ భారీగా సంపాదించుకుంటున్నారు. మరి మన టాలీవుడ్ ఇండస్ట్రీలో ఎవరు ఎంత మొత్తంలో సంపాదిస్తున్నారనే విషయం పరిశీలిస్తే..

రష్మిక..
నేషనల్ క్రష్ గా గుర్తింపు సంపాదించుకున్న రష్మిక మందానకు పాన్ ఇండియా స్థాయిలో అభిమానులు ఉన్నారు. ఈమె ఇన్ స్టాలో ఏదైనా పోస్ట్ చేసిదంటే చాలు సుమారు రూ. 30 లక్షల వరకు రెమ్యూనరేషన్ తీసుకుంటుందని సమాచారం.

సమంత..
సోషల్ మీడియాలో విపరీతమైన పాలోవర్స్ కలిగి ఉన్న వారిలో సమంత రూత్‌ప్రభు ఒకరు. ఆమె ఫాలోవర్స్ 30 మిలియన్లకు పైగా ఉన్నారు. ఇలా భారీగా అభిమానులను సొంతం చేసుకున్న ఆమె
ఇన్ స్టాలో ఏదైనా పోస్ట్ చేసిందంటే చాలు రూ. 50 లక్షల వరకు రెమ్యూనరేషన్ తీసుకుంటుందట.

కాజల్ అగర్వాల్..
ఇండస్ట్రీలో మంచి సక్సెస్ రేట్ ఉన్న నటి కాజల్ అగర్వాల్. ఆమెకు సోషల్ మీడియాలో భారీగా అభిమానులు ఉన్నారు. ఇన్ స్టాలో ఒక పోస్ట్ చేస్తే రూ. 50 లక్షల నుంచి రూ. కోటి వరకు తీసుకుంటుందట.

పూజా హెగ్డే..
ఇండస్ట్రీలో ఒక్క వెలుగు వెలిగిన తార పూజ హెగ్డే. కానీ ఇప్పుడు ఇండస్ట్రీకి దూరంగా ఉంటుంది. సరైన ప్రాజెక్టులు లేక ఇబ్బంది పడుతుంది. అయితే, ఆమెకు సోషల్ మీడియాలో భారీ స్థాయిలో అభిమానులు ఉన్నారు. ఈమె కూడా సోషల్ మీడియాలో పోస్ట్ పెడితే రూ. 20 నుంచి రూ. 30 లక్షల వరకు రెమ్యూనరేషన్ తీసుకుంటుందని సమాచారం.

మహేష్ బాబు..
సౌత్ ఇండస్ట్రీలో మహేశ్ బాబుకు క్రేజ్ మామూలుగా ఉండదు. సినిమాలకే అంకితం కాకుండా ఎన్నో ఎండార్స్‌మెంట్ వీడియోలు చేస్తూ భారీగా ప్రమోట్ చేస్తుంటాడు. సోషల్ మీడియాలో ఏదైనా ప్రమోట్ చేస్తే రూ. 2 కోట్ల వరకు రెమ్యూనరేషన్ తీసుకుంటారని సమాచారం.

విజయ్ దేవరకొండ..
రౌడీ బాయ్ గా గుర్తింపు సంపాదించుకొని మంచి సక్సెస్ రేట్ తో కొనసాగుతున్న నటుడు  విజయ్ దేవరకొండ ఈయనకు కూడా సోషల్ మీడియాలో ఒక పోస్ట్ చేస్తే రూ. కోటి వరకు రెమ్యూనరేషన్ తీసుకుంటారని తెలుస్తోంది.