Chandrababu – Jagan : నేడు – ఢిల్లీకి బాబు, జైలుకు జగన్..!

CM Chandrababu – Jagan

Chandrababu – Jagan : ఆంధప్రదేశ్ ముఖ్యమంత్రి చంద్రబాబు నాయుడు, మాజీ ముఖ్యమంత్రి వైఎస్ జగన్మోహన్ రెడ్డి ఈ రోజు షెడ్యూల్ చాలా డిఫరెంట్ గా ఉంది. ఈ రోజున వారి షెడ్యూల్ ను పరిశీలిస్తే ఒకరు ఢిల్లీకి వెళ్లి పెద్దలను కలిస్తే.. మరొకరు జైలుకు వెళ్తున్నారు. ఇద్దరూ పూర్తిగా భిన్నమైన మార్గాల్లో ఈ రోజు వెళ్తున్నారు.

సీఎం చంద్రబాబు నాయుడు ప్రధాని నరేంద్ర మోడీని కలిసి ఆంధ్రప్రదేశ్ కు పెండింగ్ లో ఉన్న ఆర్థిక సాయంపై చర్చించేందుకు ఢిల్లీ వెళ్తున్నారు. ఎన్డీయేలో కీలకంగా ఉన్న తెలుగుదేశం పార్టీ, కేంద్ర స్థాయిలో పార్టీకి ఉన్న పలుకుబడి దృష్ట్యా ఈ సమావేశం కీలకం కానుంది.

ఇదిలా ఉండగా.. ఇక జగన్ పిన్నెల్లి రామకృష్ణారెడ్డిని కలిసేందుకు నెల్లూరు సెంట్రల్ జైలుకు వెళ్లనున్నారు. ఈవీఎంల ట్యాంపరింగ్, ఎన్నికల ఏజెంట్లను బెదిరింపులకు గురి చేసిన కేసులో పిన్నెల్లి ప్రమేయం ఉండడంతో ఆయనను పోలీసులు అరెస్ట్ చేశారు. జైలులో ఉన్న పిన్నెల్లితో మర్యాదపూర్వకంగా మాట్లాడి మద్దతు ఇస్తామని జగన్ హామీ ఇవ్వాలని భావిస్తున్నారు. అధికారం కోల్పోయిన తర్వాత అరెస్టయిన తొలి వైసీపీ మాజీ ఎమ్మెల్యే పిన్నెల్లి కావడం గమనార్హం.

ఈ భిన్నమైన రాజకీయ అజెండాలు వచ్చే ఐదేళ్ల పాటు ఆంధ్రప్రదేశ్ లో ఇద్దరు ప్రధానుల నాయకత్వ వ్యూహాలు ఎలా ఉంటాయో అని పరిశీలకులు అభిప్రాయపడుతున్నారు.

ఏది ఏమైనా ఓటమి తర్వాత జగన్ వ్యవహరిస్తున్న తీరుపై సర్వత్రా విమర్శలు వెల్లువెత్తుతూనే ఉన్నాయి. గెలుపు దరిదాపులకు రాని ఆయన ప్రతిపక్ష నాయకుడి స్థానంలో కొనసాగేందుకు కూడా ఇష్టపడడం లేదు. సభా సమావేశాలకు రాలేదు. దీంతో ఆయనపై ఉన్న కాస్తంత సానుభూతి కూడా రాను రాను తగ్గుతూ వస్తోంది. జగన్ ప్రతీ అడుగూ ఆచి తూసి వేయకుంటే రాజకీయ భవిష్యత్ మరింత పాతాళానికి పడిపోతుందని విశ్లేషకులు భావిస్తున్నారు.