KTR Arrest
KTR Arrest : సెలబ్రెటీ జ్యోతిష్యుడు వేణుస్వామి గురించి పెద్దగా పరిచయం అవసరం లేదు. ఇండస్ట్రీలో చాలా ఏళ్లుగా పాతుకుపోయిన ఈ జ్యోతిష్యుడు సెలబ్రెటీలపై చెప్పే ప్రిడిక్షన్ చాలా వరకు కరెక్ట్ అయ్యింది. దీంతో ప్రతీ ఒక్కరూ ఈయన ప్రిడిక్షన్ వినేందుకు ఆరాట పడుతుంటారు. గతంలో ఆయన చెప్పినవి పెద్దగా బయటకు రాలేదు కానీ.. నాగ చైతన్య, సమంత డైవర్స్ నుంచి విపరీతంగా బయటకు వస్తున్నాయి.
ఆ తర్వాత కూడా నిహారికా, చైతన్య జొన్నలగడ్డ డైవర్స్ గురించి వేణుస్వామి వివరించాడు. ఇక కవిత అరెస్ట్ గురించి చెప్పి సోషల్ మీడియాలో సపరేట్ ఫ్యాన్ బేస్ సంపాదించుకున్నాడు. ఆయన రీసెంట్ గా ఒక ఇంటర్వ్యూలో చెప్పిన ప్రిడిక్షన్ బీఆర్ఎస్ వర్గాల్లో గుబులు పుట్టిస్తోంది.
కేటీఆర్ జైలుకు వెళ్లడం పక్కా#AmulBabyKTR pic.twitter.com/lIrMflwgle
— Aapanna Hastham (@AapannaHastham) April 11, 2024
కల్వకుంట్ల కుటుంబంలోని అందరి జాతకం చెప్పాడు వేణుస్వామి. 2023లో బీఆర్ఎస్ పార్టీ ఓటమి, కేసీఆర్ కు అనారోగ్య సమస్యలు, కేసీఆర్ కూతురు కవిత జైలుకు వెళ్లడం. ఇవన్నీ చెప్పినవి చెప్పినట్లు జరిగాయి. ఈ నేపథ్యంలో ఇప్పుడు మరో కొత్త విషయం చెప్పాడు వేణుస్వామి. అదేంటంటే.. కేసీఆర్ కొడుకు, కేటీఆర్ ఈ సంవత్సరం అరెస్ట్ అవుతారని. ఇటీవల ఓ కార్యక్రమంలో వేణుస్వామి మాట్లాడుతూ తను చెప్పినట్లుగా కేటీఆర్ అరెస్ట్ అవుతాడన్నారు. అయితే ఏ కేసులో అన్నది చెప్పకపోవడంతో పలువురు ఆందోళన చెందుతున్నారు.
వేణుస్వామి ప్రిడిక్షన్ పై చాలా మందికి నమ్మకం ఉంటుంది. ఈ నేపథ్యంలో ఈ వార్త విన్న బీఆర్ఎస్ శ్రేణుల్లో టెన్షన్ పెరిగింది. ఇప్పటికే కవిత అరెస్టయి జైలులో ఉండగా.. కేటీఆర్ అరెస్ట్ అయితే పార్టీ ఎలా ఉంటుందో ఊహించుకోలేకపోతున్నాం అంటున్నారు. పార్లమెంట్ ఎన్నికలు దగ్గరపడుతున్న వేళ కీలక నేతలంతా బీఆర్ఎస్‌ను వీడి కాంగ్రెస్‌లో చేరుతున్నారు. ఈ సమయంలో వేణుస్వామి వ్యాఖ్యలు మరింత గందరగోళాన్ని సృష్టిస్తున్నాయి. మరోవైపు కాంగ్రెస్ సోషల్ మీడియా వేణుస్వామి ప్రిడిక్షన్ ను బాగా వైరల్ చేస్తుంది. దీంతో బీఆర్ఎస్ శ్రేణుల్లో కన్‌ఫ్యూజన్ మొదలైంది. వేణుస్వామి చెప్పిన జ్యోతిష్యంలో నిజం ఎంత ఉందో వెయిట్ చేయాల్సిందే.