Thrilling suspense thriller..
Pathal Lok : ఓటీటీ ప్లా్ట్ ఫాంలో ఎక్కువగా వెబ్ సిరీస్ లకే ప్రాధాన్యం ఉంటుంది. అది కూడా సస్పెన్స్, థ్రిల్లర్, క్రైమ్ జానర్ అంటే ఆడియన్స్ తెగ ఇష్టపడుతున్నారు. ఆ జానర్ లో సిరీస్ వస్తుందంటే చాటు ఈగర్ గా వెయిట్ చేస్తున్నారు. అలాంటి వెబ్ సిరీస్ తెలుగు ఆడియన్స్ ను అలరించేందుకు వచ్చింది. అదే ‘పాతాల్ లోక్ (Pathal lok )’. థ్రిల్లర్ కాన్సెప్ట్ తో ఒళ్లు గగుర్పొడిచేలా ఈ సిరీస్ ను డిజైన్ చేశారు. ఇది ఇప్పుడు తెలుగులో అందుబాటులో ఉంది.
ఈ సిరీస్ 2020లోనే ప్రైమ్ లోకి వచ్చింది. ఆ టైంలో ఈ సిరీస్ ఒక సంచలనం. ఒక్కో సీన్, ఒక్కో షాట్ వ్యూవర్స్ మైండ్ బ్లాంక్ అయ్యేలా చేసింది. మధ్య మధ్యలో వచ్చే ట్విస్టులకు పిచ్చెక్కిపోతుంది. ఊహకందని స్క్రీన్‌ప్లేతో దర్శకుడు సుదీప్ శర్మ ఈ సిరీస్ ను మలిచాడు. ఈ సిరీస్ ప్రేక్షకులను మెస్మరైజ్ కు గురి చేస్తుంది. చాలా కాలంగా పాతాళ్ లోక్ తెలుగు వెర్షన్ కోసం తెలుగు ఆడియన్స్ ఎదురుచూస్తున్నారు. నాలుగేళ్ల తర్వాత ఈ సిరీస్ తెలుగులో అమెజాన్ ప్రైమ్ లోకి వచ్చింది. హిందీలో సూపర్ హిట్ టాక్ సంపాదించుకున్న ఈ సిరీస్ తెలుగులో ఎలాంటి ఇంపాక్ట్ క్రియేట్ చేస్తుందో చూడాలి మరి.
ఇక, కథ విషయానికి వస్తే.. హాతీరామ్ చౌదరి (జైదీప్ అహ్లావత్).. 20 ఏళ్ల అనుభవం ఉన్న ఇన్ స్పెక్టర్. అతని చేతికి జర్నలిస్ట్ సంజీవ్ మెహ్రా (నీరజ్ కాబి) హత్య కేసు వస్తుంది. కెరీర్ లో మొదటి కేసు అదీ హైప్రొఫైల్ కేసు కావడంతో.. తన సబార్డినేట్ అన్సారీ (ఇష్వక్ సింగ్)తో కలిసి దర్యాప్తు మొదలు పెడతాడు. కేసు విచారణలో భాగంగా కథ సాగుతుంది. అయితే, జర్నలిస్ట్ మర్డర్ కేసులో పెద్ద రాజకీయ కుట్రే ఉందని కనుగొంటాడు. ఆ హత్య ఎవరు? ఎందుకు చేశారు? మధ్యలో సీబఐ ఎందుకు ఇన్వాల్వ్ అయ్యింది? చివరకు ఎం జరిగింది అనేది కథ. దీని తెలుగు వెర్షన్ వచ్చింది కాబట్టి చూడాల్సిందే.