Megastar Chiranjeevi : మెగాస్టార్ చిరంజీవి సినిమాలో ముగ్గురు సూపర్ స్టార్స్..ఫ్యాన్స్ కి పండగే!

Three superstars in Megastar Chiranjeevi’s movie

Megastar Chiranjeevi : ‘భోళా శంకర్’ వంటి డిజాస్టర్ ఫ్లాప్ తర్వాత మెగాస్టార్ చిరంజీవి ‘బింభిసార’ డైరెక్టర్ వసిష్ఠ తో ‘విశ్వంభర’ అనే చిత్రం చేస్తున్న సంగతి తెలిసిందే. యూవీ క్రియేషన్స్ బ్యానర్ లో భారీ బడ్జెట్ తో తెరకెక్కబోతున్న ఈ సోషియో ఫాంటసీ మూవీ కి సంబంధించిన కాన్సెప్ట్ వీడియో సంక్రాంతి సందర్భంగా విడుదల చెయ్యగా, దానికి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది.

ఇది కదా మెగాస్టార్ చిరంజీవి నుండి మేము కోరుకునేది. ఆయన రేంజ్ కి తగ్గ సినిమాలాగా అనిపిస్తుంది అంటూ ఫ్యాన్స్ ఎంతగానో మురిసిపోయారు. ఇటీవలే షూటింగ్ ని ప్రారంభించుకొని ఒక షెడ్యూల్ ని పూర్తి చేసుకున్న ఈ చిత్రం ఎట్టి పరిస్థితిలో వచ్చే ఏడాది సంక్రాంతి కానుకగా విడుదల చెయ్యాలని మూవీ టీం బలంగా కోరుకుంటుంది. ఇది ఇలా ఉండగా ఈ సినిమాలో హీరోయిన్ గా ఎవరు నటించబోతున్నారు అనేది గత కొంతకాలంగా సోషల్ మీడియా లో పలువురి పేర్లు వినిపిస్తున్నాయి.

అందుతున్న విశ్వసనీయ వర్గాల సమాచారం ప్రకారం ఈ సినిమాలో ఏకంగా ముగ్గురు హీరోయిన్లు ఉండబోతున్నట్టు తెలుస్తుంది. తెలుగు తమిళ భాషల్లో ఎన్నో సూపర్ హిట్ సినిమాల్లో నటించి తనకంటూ ఒక ప్రత్యేకమైన స్థానం ని సంపాధించిన త్రిష ఈ సినిమాలో ఒక హీరోయిన్ గా నటించబోగా, లేడీ సూపర్ స్టార్ గా పేరొందిన నయనతార మరో హీరోయిన్ గా ఈ సినిమాలో నటించబోతుంది. ఇక బాలీవుడ్ లో స్టార్ హీరోలతో సరిసమానమైన బ్రాండ్ ఇమేజి ఉన్న దీపికా పదుకొనే ఈ సినిమాలో మరో హీరోయిన్ గా నటించబోతుంది. పాన్ ఇండియా లెవెల్ లో భారీ గా తెరకెక్కబోతున్న సినిమా కాబట్టి ఎక్కడా కూడా తగ్గకుండా ఉండే విధంగా నిర్మాతలు జాగ్రత్తలు తీసుకుంటున్నారు. దైవ లోకం నుండి వచ్చిన విశ్వంభరుడిగా మెగాస్టార్ ఈ చిత్రం లో కనిపించబోతున్నట్టు సమాచారం. ఇకపోతే ఈ సినిమాలో దగ్గుపాటి రానా విలన్ గా నటించబోతున్నట్టు అప్పట్లో వార్తలు వినిపించాయి. కానీ ఆయన ఈ సినిమా నుండి కొన్ని కారణాల చేత తప్పుకోవాల్సి వచ్చింది.

ఇప్పుడు ఆయన స్థానం లోకి ఒక బాలీవుడ్ హీరోని సంప్రదించబోతున్నట్టు సమాచారం. త్వరలోనే దీనికి సంబంధించిన పూర్తి వివరాలను తెలియచెయ్యనుంది మూవీ టీం. గత ఏడాది ‘వాల్తేరు వీరయ్య’ సినిమాతో ఇండస్ట్రీ రికార్డ్స్ ని కొల్లగొట్టిన మెగాస్టార్ కి అదే ఏడాదిలో విడుదలైన ‘భోళా శంకర్’ చిత్రం ఘోరమైన డిజాస్టర్ ఫ్లాప్ గా నిల్చింది. అభిమానులు ఈసారి ఎలా అయినా మెగాస్టార్ నుండి పాన్ ఇండియా లెవెల్ లో మోతమోగిపోయే రేంజ్ బ్లాక్ బస్టర్ కొట్టాలని ఆశిస్తున్నారు, ఆ బ్లాక్ బస్టర్ ‘విశ్వంభర’ అవుతుందని బలమైన నమ్మకం తో ఉన్నారు.